2 KIUTHSÜYUKHEAN 12:2 - AMÜSÜH HÜM CL Bible (BSI)

² Kiulongthsüpuh Rehoboam kam phüngüpü ching, arünü Atungpuh kilim thiyuro mülamonü, Ijip kiulongthsüpuh Shishaknü Jirusalem azhihde atu.

2 KIUTHSÜYUKHEAN 12:2 Iomraidhean Croise

1 KIULONG THSÜRÜ 11:40

Jumonü Solomonnü Jeroboam laksahpü yim; tüshe Jeroboamnü mürangde Ijip kiulongthsüpuh Shishak kilim tsode yü, tüsho Solomon müsheyi khiungde Ijip ching la.

2 KIULONG THSÜRÜ 7:6

Tümüde Atungpuhnü Siria bonungrü ki khora-lolungbe, khorabo, tüsho bonungrü amuliuh düsheak soshih, junangde arünü khülangnü khülang ki tha, “Israel kiulongthsüpuhnü isa bede thirithsüpü Hit kiulongthsürübo tüsho Ijip kiulongthsürübo muloa lah.”

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 14:8

Asa lung atoto tsungbo tüsho thsühbo shuhrü bonungrü 300,000, tüsho tsungbo le sanglüh shuhrü Benjamin chingnü bonungrü 280,000 lakheah; harü alala athrungrü thirithsürübo lakheah.

2 KIUTHSÜYUKHEAN 14:9

Sudanrü Zeranü bonungrü chiwung khülang tüsho khoralolungbe 300 bebah arü azhihde akhiuk, tüsho Maresha khiungde arü.

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

ISAIA 18:2

limburü Nile chingnü, sangküp-sangkung ching kenü kheaknü arüshihchoh! Yüang, nüsa athrikhi yunithsürübo, ashang tüsho küp-shahshah trükshih kilim, aphüni tüsho limshu ching trede alakhi mihtsürü kilim, wu-sühmüh lakhi tüsho akuk ngükhi trükshih kilim, shepü lomi ayungbonü chamnakbah la.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

TÜZHOKHI 5:15

Isa mulong asühkhi keamdo; isa tsünkhi ju mitrippü kamdo.