2 KIUTHSÜYUKHEAN 12:1 - AMÜSÜH HÜM CL Bible (BSI)

¹ Küyimki Rehoboam düküngde tüsho reangzahde akamkhea, api lung Israel alalanü Atungpuh yakzan bahyuk.

2 KIUTHSÜYUKHEAN 12:1 Iomraidhean Croise

1 KIULONG THSÜRÜ 12:17

Tüshe Juda kiutobo ching larü Israel kurungkheak Rehoboamnü kiulongthsü.

1 KIULONG THSÜRÜ 14:21

Kheakü Solomon tsührü Rehoboamnü Juda ching kiulongthsü. Rehoboam kiulongthsüpü tankihchoki api kam 41 azorü lakheah, tüsho Atungpuhnü api mung zopü Israel trük alala bolungnü amokhitkhi kiuto Jirusalem ching apinü kam thrürükheak thüne kiulongthsü. Abe ju Amonrü Naama lakheah.

1 KIULONG THSÜRÜ 9:9

Judüki arünü athabah, ‘ Tümütüsho arünü arü jipürü Ijip lo chingnü abekhitbuh Atungpuh arü Thrünpuh bahyukdo, tüsho püpü thrünpuhbo kheak kingaünde tüsho tankihde kapkihdo; jumonü Atungpuhnü ha thsümüchi arü kheak hande arüdo.’ ”

2 KIULONG THSÜRÜ 17:19

Judanü she Atungpuh arü Thrünpuh yukhüm mani tüshe Israelnü ahuhkhi jipü-yakli ching tsah.

2 KIUTHSÜYUKHEAN 11:17

Arünü Juda kiulongthsü düküngshih, tüsho kam mahsam thsungkheak Solomon tsührü Rehoboam rung, tümüde arünü kam mahsam thsungkheak David tüsho Solomon limro ching tsah.

2 KIUTHSÜYUKHEAN 11:23

Apinü lüm lade rhimo, tüsho Juda le Benjamin lomibo alala, chipi ayünkhi kiutobo ching api tsührü khürü chama jih; apinü arü kilim suhdahde jih, tüsho arü thsungkheak niuberü ahihdo yimjih.

2 KIUTHSÜYUKHEAN 11:3

Solomon tsührü Juda kiulongthsüpuh Rehoboam tüsho Juda le Benjamin ching Israel alala ki thaang,

2 KIUTHSÜYUKHEAN 12:13

Jumonü kiulongthsüpuh Rehoboamnü Jirusalem ching anihbuh küdah thsüde düküngde kam tüsho kiulongthsü. Rehoboam kiulongthsüpü tankihchoki kam 41 azorü lakheah; Atungpuhnü api mung zopü Israel trük alala chingnü amokhitkhi kiuto Jirusalem ching apinü kam thürükheak thüne kiulongthsü. Abe mung Amonrü Naama lakheah.

2 KIUTHSÜYUKHEAN 24:18

Arünü Atungpuh arü jipürü Thrünpuh yam bahyuk, tüsho Ashera sangthsübo tankih. Tüsho arü amülim ha dünkheaknü Juda tüsho Jirusalem kheak Thrünpuh bukakhiukkhi arü.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

HOSEA 13:1

Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.

YUZÜNGTHALO 32:18

Nüsanü nüsa mütrübuh lung bahyuk; nüsanü nüsa zübebuh Thrünpuh mihabah.

MAHKHAPRÜ 2:15

Küyimki arü wukhiukbanü Atungpuhnü athakhi tüsho thiyuchihchimkhi nangde thsümütsüpü Atungpuh khah arü azhihde lakheah. Tüsho arü tode lümthsünü.