2 KIUTHSÜYUKHEAN 11:16 - AMÜSÜH HÜM CL Bible (BSI)

¹⁶ Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

2 KIUTHSÜYUKHEAN 11:16 Iomraidhean Croise

1 KIUTHSÜYUKHEAN 16:29

Atungpuh kilim api mung ching alim lakhi müretahkhi jihang; kingaün khülang hande arang, tüsho api miki arang. Amüsüh azhingzhing chingnü Atungpuh kingaünang;

1 KIUTHSÜYUKHEAN 22:1

Judüki Davidnü tha, “Ha kheak Atungpuh Thrünpuh yam labah tüsho ha kheak Israel thsungkheak taka kingaünpü kingaün sadam labah.”

1 KIUTHSÜYUKHEAN 22:19

Kheakü nüsa lümkhi tüsho mulong Atungpuh nüsa Thrünpuh yimpü zoang. Junangde Atungpuh Thrünpuh arüngyam thsümusuang, tüsho Atungpuh tangzüng sangdan tüsho Thrünpuh yo amüsüh kukrukbo Atungpuh mung ching thsükhi yam ching hande yüzahbah.”

2 KIUTHSÜYUKHEAN 11:17

Arünü Juda kiulongthsü düküngshih, tüsho kam mahsam thsungkheak Solomon tsührü Rehoboam rung, tümüde arünü kam mahsam thsungkheak David tüsho Solomon limro ching tsah.

2 KIUTHSÜYUKHEAN 15:12

Arünü arü mulong athrünkhinü tüsho arü me athrünkhinü Atungpuh , arü jipürü Thrünpuh yimpü tangzüng khülang ching yüzah.

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

2 KIUTHSÜYUKHEAN 15:9

Apinü Juda le Benjamin alala, tüsho arü lung hanrü thsüde alakhi Ephraim, Manase tüsho Simeon chingnü bemukhung, tümüde küyimki arünü api lung Atungpuh api Thrünpuh lah de angükhea, Israel ching ahihdonü api kilim arüabah.

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

2 KIUTHSÜYUKHEAN 20:4

Judanü Atungpuh kilimnü arung yimpü mukhung; Juda kiuto alala chingnü arünü Atungpuh yimpü arü.”

2 KIUTHSÜYUKHEAN 30:11

Asher, Manase, tüsho Zebulun chingnü lang arü anükhüh azhihayihde kam tüsho Jirusalem lim arü.

JOB HU H T ANYU 34:14

Apinü anihbuh me lulosho, tüsho api sheak lulosho,

MUNGSHIKHÜN 108:1

I mulong düküngde lah, O Thrünpuh; inü khün thsübah tüsho I me alalanü khün düsheak thsübah.

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

ABEKHIT 9:21

Tüshe shepünü Atungpuh yu akin mülakheanü api yamlarübo tüsho akam-shiwühbo aleangkheak zojih.

DANIEL 6:14

Küyimki kiulongthsüpuhnü ha thakhi sokhea, api khide lümthsünüde kam. Apinü Daniel khümkhitpü lümkih, tüsho ani yüzah khiungde api khümkhitpü anihbuhnü lüpdükhi rhimoakheah.

HOSEA 4:8

I mihtsürübo neak chingnü arü tsühyungde lah; jumonü nüsanü alü alü arünü neak yihbeakshihnelah.

HAGGAI 1:5

Kheakü jumonü Wuto Atungpuhnü ha thachoh: Nüsa limrobo lümakheahang.

ZEKARIA 8:21

kiuto khülang ching larünü püpü ching yüde athabah, “Arang, isanü yübah Atungpuhnü amulungkhi mushuanü, tüsho Wuto Atungpuh yimanü; I a yüchoh.”

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUZÜNGTHALO 12:11

judüki Atungpuh nüsa Thrünpuhnü api mung lashihpü mokhitpung ching inü nüsa ki thiyukhüm jihkhi lüpdükhi lubah arang: nüsanü taka kingaünbebo, laksah-a kingaünbe, thürü shihcham, arung kingaünbo tüsho nüsanü Atungpuh ki thiyuchihchimde mokhitkhi kingaünbo.

YUZÜNGTHALO 32:46

tüsho apinü arü ki tha, “Inü khihni thiyumütsan jihkhi kheak nüsa mulong zoang, ha yakzan Israel tsührübonü kümkangde anishihpü nüsanü thiyukhüm jihang.

JIHUSUA 22:19

Jumonü nüsa yamalo amüsüh mülasho, kingaünpung lakhi A TUN GPU H lo ching arübah isa lung laang; tüshe kingaün sadam püpü thsüde Atungpuh isa Thrünpuh dazhih yungsho isa dazhih.