2 KIUTHSÜYUKHEAN 10:4 - AMÜSÜH HÜM CL Bible (BSI)

⁴ “Nü buhnü isa hahmülangde kamshihdo. Jumonü kheakü nü buhnü arhimokhibo amüküp tüsho api hahmülang isa kheak yihkihkhi hiphipde kamshang, tüsho isanü nü tankihbah.”

2 KIUTHSÜYUKHEAN 10:4 Iomraidhean Croise

1 KIULONG THSÜRÜ 12:4

“Nü buhnü isa hah mülangde kamshihdo. Jumonü kheakü nü buhnü arhimokhibo amüküp tüsho api hahmülang isa kheak yihkihkhi hiphipde kamshang tüsho isanü nü tankihbah.”

1 KIULONG THSÜRÜ 4:20

Juda tüsho Israel ju keto yean loyi nangde hihde alakheah; arünü tsühyung tüsho asüh.

1 KIULONG THSÜRÜ 4:25

Solomon rhangdung lachoki Juda tüsho Israel, Dan chingnü Beersheba she khiungde nihbuh kurungasolu tüsho khubaso dungbo lade kurampung tsüde alakheah.

1 KIULONG THSÜRÜ 5:13

Kiulongthsüpuh Solomonnü rhimo mürangrü Israel alala bolungnü thrütde-mokhit; amokhitkhi ju mihtsürü 30,000 lakheah.

1 KIULONG THSÜRÜ 5:15

Kheaküshe Solomon a awung lomi ching rhimorü 70,000 tüsho lunglahrü 80,000 lakheah,

1 KIULONG THSÜRÜ 9:22

Tüshe Solomonnü Israelrü a azhorü mükamshih; arübo bonungrü, api torübo, limthorübo, wühkenorübo, tüsho api khora-lolungbe le khoraberü limthorübo lakheah.

2 KIUTHSÜYUKHEAN 10:3

Arünü yüshihbah api jidarü; tüsho Jeroboam le Israel alala arü tüsho Rehoboam ki tha,

2 KIUTHSÜYUKHEAN 10:5

Apinü arü ki tha, “Nimung asampü ching I kilim alode arang.” Jumonü mihtsürübo tsoabah.

ABEKHIT 2:23

Kam ahihkhüh labah dunglim Ijip kiulongthsüpuh ju sheabah, tüshe Israelrübo küpkhuk alü kam, tüsho arünü azhorü kuhi chingnü ashede zhi, tüsho arünü azhikhi Thrünpuh khiung.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

MATHI 23:4

Tümüde arünü hah amülangbo rhükchoh tüsho mihtsürübo dubuh kheak yihkihjihchoh, tüshe jurü hanrungpü yingkhing khülang she mülüplüpne.

1 JOHAN 5:3

Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung.