2 KIUTHSÜYUKHEAN 1:8 - AMÜSÜH HÜM CL Bible (BSI)

⁸ Solomonnü Thrünpuh ki alo, “Nünü I buh David ki amuzhodakkhi ato huhdo, tüsho api müthri I kiulongthsürü kamshihdo.

2 KIUTHSÜYUKHEAN 1:8 Iomraidhean Croise

2 SAMUEL 22:51

Thrünpuhnü api kiulongthsüpuh kheak akuk ngükhi ato jihchoh, tüsho apinü mujude-mokhitkhi kheak lünnü David tüsho api tsühsoniusobo kilim mihmuzho huhchoh.

1 KIULONG THSÜRÜ 3:6

Tüsho Solomonnü tha, “Nünü nü yamlarü I buh David ki amuzhodakkhi tode huhdo, tümütüsho apinü nü miki khiukdahde thiyuro ching mulong alungki chingnü nü kilim tsah; tüsho nünü api thsungkheak ha ato tüsho muzhodakkhi zojih, tüsho api kilim khihni api kiulongthsü-binkiu kheak binpü tsührü khülang jih.

1 KIUTHSÜYUKHEAN 17:16

Judüki David kiulongthsüpuhnü yüzah tüsho Atungpuh miki binbah tha, “I she a, O Atungpuh T HRÜNPU H , tüsho I yamkhün tümü ah de nünü I ha lokhüh bede arükhea?

1 KIUTHSÜYUKHEAN 28:5

Tüsho I tsührübo lungnü (tümüde Atungpuhnü I kilim tsührü ahihdo jih) apinü I tsührü Solomon Israel kurungkheak A TUN GPU H kiulongthsü-binkiu kheak binpü mokhit.

1 KIUTHSÜYUKHEAN 29:23

Jushu, Solomonnü abuh David müthri kiulongthsürü kamde A TUN GPU H kiulongthsü-binkiu kheak bin; apinü akuk ngü, tüsho Israel alalanü api ki mihyuani.

1 KIUTHSÜYUKHEAN 29:28

Api tsüde ashinkhi kim, nimungbo khiukdahbah, lakhitde tüsho wüntrede lade she; tüsho api tsührü Solomonnü api müthri.

MUNGSHIKHÜN 86:13

Tümüde I kilim nü amüthsüm ju ato ah, tüsho Ashe-lomi asük chingnü nünü I me bekhit.

MUNGSHIKHÜN 89:49

Atungpuh , nünü David ki thiyuro ching thiyuchihchimkhi, akhuhbe nü mihmuzho küching la?

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.