2 KIUTHSÜYUKHEAN 1:10 - AMÜSÜH HÜM CL Bible (BSI)

¹⁰ Kheakü ha mihtsürübo limbepü I kilim lümlung tüsho mükheahmudu jihang, tümüde ha nü mihtsürü ato shenü yakzan shuhkhukpü?”

2 KIUTHSÜYUKHEAN 1:10 Iomraidhean Croise

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:73

Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MÜCHITMUDU 4:7

Lümlung ju khide adungto lah; jumonü lümlung ngüa lung. Nü ngükhi alala kheaknü, anikhitkhi ngüa lung.

MÜCHITMUDU 8:15

I hode kiulongthsürübonü kiulongthsüchoh, tüsho yakzanshuhrübonü thiyuro yakzan thsüchoh.

WÜHKHE 27:17

arü müngüh wukhiukla azahla de, tüsho bekhitla beyukla de thsüshang; junangde Atungpuh mihtsürübo ju namfimihnu aneakrü mülakhi nangde mülabah.”

2 KORINT 2:16

Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla?

2 KORINT 3:5

Isanü tümükhüh lang she isa küdahnü athsükhukkhi lah de alümkhi müla; isanü athsükhukpü ju Thrünpuh kilimnü lah.

YUZÜNGTHALO 31:2

Tüsho apinü arü ki tha: “Khihni I kam 120 azorü ah. Kheakü inü wukhiukla azahla de müthsükhuk, kheaküshe Atungpuhnü I ki tha, ‘Nü ha Jordan hode müyü.’

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.