2 KIUTHSÜYUKHEAN 1:1 - AMÜSÜH HÜM CL Bible (BSI)

¹ David tsührü Solomonnü api kiulongthsü düküngde kamshih; Atungpuh api Thrünpuh anihbuh lung lakheah tüsho api khide ato kamshih.

2 KIUTHSÜYUKHEAN 1:1 Iomraidhean Croise

THRÜNTAN 21:22

Ju kim ching Abimelek tüsho api bonungrü limthobuh Phikol anenü Abraham ki tha, “Nünü arhimokhi lüpdükhi ching Thrünpuh nü lung lah.

THRÜNTAN 39:2

Josep lung Atungpuh lakheah, tüsho api akuk ngürü mihtsürü lakheah; tüsho api ju anihbuh putungrü Ijiprü yam ching lakheah.

THRÜNTAN 39:21

Tüshe Josep lung Atungpuh lakheah tüsho api ki amüthsüm huh, tüsho rihyam aheangrü miki api amuzho ngüshih.

THRÜNTAN 39:3

Api lung Atungpuh lakhi anihbuh putungrünü ngü tüsho api khah rhimo alala Atungpuhnü akuk ngüshih.

1 KIULONG THSÜRÜ 2:12

Jumonü Solomonnü abuh David kiulongthsü-binkiu kheak bin; tüsho api kiulongthsü düküngde kam.

1 KIULONG THSÜRÜ 2:46

Judüki kiulongthsüpuhnü Jehoiada tsührü Benai ki thiyukhüm jih; tüsho anihbuhnü wukhiukbah api kinga lungshih, tüsho api sheabah.

1 KIUTHSÜYUKHEAN 17:8

tüsho nü yüpungbo ching I nü lung lakheah, tüsho nü müngüh nü riri alala tukloabahshih; kheakü alomi ching lakhi mung ato nangde inü nü mung kamshihbah.

1 KIUTHSÜYUKHEAN 22:11

Kheakü, I tsah-a, Atungpuh nü lung lashang, junangde apinü nü ki thakhi nangde, Atungpuh nü Thrünpuh yam akuk ngüde thsang.

1 KIUTHSÜYUKHEAN 22:16

suna, shotoyinchi, müwayinchi, tüsho yinchi thsungkheak lah. Kheakü rhimo tankihang, tüsho Atungpuh nü lung lashang.”

1 KIUTHSÜYUKHEAN 29:23

Jushu, Solomonnü abuh David müthri kiulongthsürü kamde A TUN GPU H kiulongthsü-binkiu kheak bin; apinü akuk ngü, tüsho Israel alalanü api ki mihyuani.

1 KIUTHSÜYUKHEAN 29:25

Atungpuhnü Israel alala miki Solomon changde shuhkih, tüsho Israel ching api müngüh kiulongthsürü she kheak mülakhi kiulongthsü wüntremüretah api kheak jih.

1 KIUTHSÜYUKHEAN 29:30

ju lung, api kiulongthsü khekhi, api sühmüh, tüsho api le Israel tüsho alomi kiulongthsübo kheak dünjikhi alala.

2 KIUTHSÜYUKHEAN 32:23

Ahihdonü Jirusalem ching Atungpuh kilim thsambahbo tüsho Juda kiulongthsüpuh Hezekia kilim shoto kukrukbo lude arü, junangde ju kimnü rünbah trükshih alala miki api shuhkih.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

JIHUSUA 3:7

Atungpuhnü Jihusua ki tha, “Inü tümü khihre rhimobanü junü Israelrü athrünkhinü nü atorü ah de wüntreshihbah, tüsho inü künangde Mosa lung lakheanü junangde nü lung she lah de arünü amükheahbah.