2 JOHAN 1:8 - AMÜSÜH HÜM CL Bible (BSI)

⁸ Nüsanü arhimokhi dün müdükheakde nüsa thsambah suhdahde angüpü kurhangang.

2 JOHAN 1:8 Iomraidhean Croise

DANIEL 12:3

Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

MATHI 24:4

Jisunü arü ki alo, “Shenü she nüsa mümülapyukshihpü kurhangang.

MARK 13:23

Tüshe kurhangang; inü amüngühnü alala nüsa ki thado.

MARK 13:9

“Tüshe nüsa thsungkheaknü kurhangang, tümüde nüsabo kiuthsübinkiu kilim jihbah, tüsho sinagogbo ching nüsa lakbah. Tüsho arü ki thiyumütsan thsüde I dünkheaknü nüsabo yakzanshuhrübo le kiulongthsürübo miki bedarübah.

LUKNÜ ATHRÜTKHI THIYUSHEAK-ATSÜ HUHTANYU 19:19

Junangde apinü anihbuh ki tha, ‘Nü she kiuto 5 kurungkheak laang.’

LUKNÜ ATHRÜTKHI THIYUSHEAK-ATSÜ HUHTANYU 21:8

Tüsho apinü tha: “Nüsa mümülapyukpü kümkangang. Tümüde ahihkhüh I mung chingnü thade arübah, ‘I api ah,’ tüsho, ‘Kim thünindo.’ Jumonü arü dunglim düyü.

JOHAN 4:36

Shepünü yimluchonü mihkhah dün ngüchoh tüsho akheam müla rhangdung thsungkheak hibo hanmukhungchoh, junangde mükheanbuh le yimlubuh ane chido rukhüh asühachihbah.

1 KORINT 15:8

Akheam thsüde kim münühkhühde azübekhi I ki she akhiuk.

1 KORINT 3:14

Mihtsürü khürünü khimtan kheak rhimokhi aninga lasho, apinü thsambah khülang leangkhibah.

1 KORINT 3:8

Shepünü khimcho tüsho shepünü ke duhchonü ane rukhüh ah, tüsho mihbüm aban api rhimo ayannü mihkhah dün leangkhibah.

GALATIA 3:4

Ju atsütsü akeangkeang a sho, nüsanü tümü mülakhi thsungkheak ju dükhüh thsünü khea de?

GALATIA 4:11

Nüsa thsungkheak I akeangkeang ching rhimoa lashi de I mulong sansanlah.

FILIPI 3:16

Isanü khiunga lakhi thiyuro ju lang tholoanü.

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

IBRI 10:35

jumonü thsambah ato lakhi nüsa mulongram dübah.

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

AMIKHEAKAKHIUKKHI 3:11

I nahde arüchoh; shenü she nü kuthran mulupü thsüde nü tümü lanü düngde ramrihang.