2 JOHAN 1:2 - AMÜSÜH HÜM CL Bible (BSI)

² isa kheak lakhi tüsho lünnü isa kheak lapü lakhi thiyuro dünkheaknü:

2 JOHAN 1:2 Iomraidhean Croise

JOHAN 14:16

Inü I Buh ki tamkhüntamnübah, tüsho apinü nüsa kilim arungrü püpü jihbah, junangde apinü nüsa lung lünnü alabah–

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

1 KORINT 9:23

Inü ha alala thiyusheak-atsü dünkheaknü rhimochoh, junangde inü ju müngühmühi ching berungbah.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

2 TIMOTHI 1:5

Nü ji Lois tüsho nü be Euni büne akin nangde nü akin düküngde alakhi inü lümkhitchoh, tüsho kheakü nü kheak lah de inü kinlah.

2 PETER 1:12

Jumonü nüsanü mükheahbah kheakü thiyuro ching düküngde laa lalashe inü kamruhroro harü nüsa ki lümkhitshihpü lümde lachoh.

1 JOHAN 1:8

Isa neak müla de isanü thasho, isanü küdah thsüde mülapyukchoh, tüsho isa kheak thiyuro müla.

1 JOHAN 2:14

Buhrübo, inü nüsa kilim thrütchoh, tümütüsho shepü atankih chingnü alakheanü nüsanü mükheahlah. Athrününgtsüngbo, inü nüsa kilim thrütchoh, tümütüsho nüsa sühmüh lah, tüsho Thrünpuh yu nüsa kheak lah, tüsho nüsanü amütsübe chingnü tsokhitdo.

1 JOHAN 2:17

Tüsho alomi le junü akünkhi hode tsoabahchoh; tüshe shepünü Thrünpuh lümkhi rhimochonü lünnü lah.