1 TIMOTHI 6:4 - AMÜSÜH HÜM CL Bible (BSI)

⁴ api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

1 TIMOTHI 6:4 Iomraidhean Croise

MÜCHITMUDU 13:7

Khürünü nihbuh zangrü alarü khea luchoh, tütüshe tümü müla; tüsho khürünü nihbuh zangrü zhochihrü khea luchoh, tütüshe lakhit ato lah.

MÜCHITMUDU 25:14

Shepünü arükchihnü jihchungkhi kheak kükheangchonü tsüng mübekhi amobo tüsho apung ruk ah.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

ISAIA 58:4

Kheahang, nünü rukachihpü tüsho shochihpü tüsho mihbukmuyuk khah-zhimpungkhi kheak shangpü lang khümkeak thsüchoh. Khihni ha ruk khümkeak thsükhinü nü düsheak achang kheak musoshih.

YUNIRÜBO RHIMO 15:2

Ha hode Paul le Barnaba bünenü arü ki atsangachihpü kam. Jumonü ha keokhikhi dünkheaknü Jirusalem ching wutubah amüsüh-thsangyurü le azothsürübo shorupü akinrübo püpürü lungnü Paul tüsho Barnaba ane mokhit.

YUNIRÜBO RHIMO 18:15

tüshe ha a thiyubo le mungbo tüsho nüsa yakzan dünkheak a le nüsa küdah thsüde khikzhakang: inü harü dünkheak a mahmükhap.”

YUNIRÜBO RHIMO 8:9

Mihtsürü khülang müngühlim kiuto ching wurük huhde tüsho api ato kamde Samariarü müyinsahshihkhi amung Simon lakheah.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

ROMRÜ KILIM PAULNÜ ATHRÜTKHI KIHÜM HUHTANYU 14:1

Akin ching reangmüzahkhi mihtsürü leangkhiang, tüshe lümkhi atsangachihpü thsungkheak yung.

ROMRÜ KILIM PAULNÜ ATHRÜTKHI KIHÜM HUHTANYU 2:8

Tüshe yihnelunerü tüsho thiyuro bahyukbah amütsü yimrü thsungkheak mulong zhipzhip tüsho bukakhiuk labah.

1 KORINT 11:16

Tüshe khürünü ha dünkheak atsangachihpü mulongsho, isa yungsho Thrünpuh borübo thsüthsü kingaünkhi ching ahoribe püpü müla.

1 KORINT 11:18

Akhuhbe ching, nüsa borü mukhungchoki, nüsa bolung achamnak lah de inü sochoh tüsho inü she anükhüh akin lah.

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

2 KORINT 11:20

Khürünü junono she, muyuyu she, jangkhikhi she, nihbuh shuhkihkih she, nüsa miro kheak damdam she nüsanü arümchoh.

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

GALATIA 5:26

Isanü khülangnü khülang ki mükükheangnü, bukmakhiukshihnü yungsho mulungkhangnü.

GALATIA 6:3

Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

FILIPI 1:15

Khürünü a mükthsü tüsho müngüh ajinde Khrista thsangyuthsangrachoh, tüshe khürü a atsü lümkhi chingnü ah.

FILIPI 2:14

Matsangde yungsho mükeokhide lüpdükhi rhimoang,

FILIPI 2:3

Yihnelune yungsho shilode tümü she düthsü, tüshe azhihayih chingnü nü kheaknü püpürü atsübe khejang.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

2 TESALONIKA 2:4

Apinü azhihbah tüsho aküdah thsüde Thrünpuh ah de ajikhi yungsho kingaünbe kukruk kurungkheak shuhkihbah, junangde api ju Thrünpuh ah de zhiyukde Thrünpuh arüngyam ching binbah.

1 TIMOTHI 1:4

yungsho arünü mümütsankhi yukhean tüsho arün mülakhi lünkheyukheanbo ching mulong müjihbeah. Harünü akin hode alakhi Thrünpuh lümkhi yungde alanaji akhiukshihchoh.

1 TIMOTHI 1:7

Arünü yakzan thsangyurü thsüpü künlah, tüshe arünü tümü dünkheak thacho yungsho tümü mütsande asukchonü mümükheah.

1 TIMOTHI 3:6

Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah;

2 TIMOTHI 2:14

Arü ki ha lümkhitshang, tüsho atsü thsüpü yungde, anirübo lang athsümünimbe yubo atsangachih bahkhipü Atungpuh mikinü thaang.

2 TIMOTHI 2:23

Makhakhi tüsho akeangkeang atsangachih tümü düthsü, tümütüsho jurünü rukachih akhiukshihchoh de nünü mükheahlah.

2 TIMOTHI 3:4

rükmütsü, adüngakhi mülakhi, shilode alümrü, Thrünpuh muzhorü yungde shihkünkhi muzhorü,

TITA 3:9

Tüshe makhade atsangachihkhi, lünkhe-yukean thrütkhi, achamnakbo, tüsho yakzan dünkheak rukachihkhibo bahang, tümüde jurü alü müla tüsho akeangkeang.

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,

2 PETER 2:12

Tüshe harü mihtsürünü arünü manikhitkhibo ching mükhemükimchoh. Arübo bukmüke shiwühbo yakli nangde, aphuhpü tüsho asheshihpü lang zübea lah, tüsho shiwühbo nangde arü she adükheakbah.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

JUDNÜ ATHRÜTKHI KIHÜM HUHTANYU 1:10

Tütüshe harü mihtsürübonü arünü manikhitkhi azhihde asukchoh; tüsho shiwüh lüm nangde arünü amükheahkhinü arü thsümünimchoh.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.