1 TIMOTHI 6:17 - AMÜSÜH HÜM CL Bible (BSI)

¹⁷ Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

1 TIMOTHI 6:17 Iomraidhean Croise

THRÜNTAN 13:2

Abram ju akam-shiwüh, shotoyinchi tüsho suna ching khide alarü lakheah.

2 KIUTHSÜYUKHEAN 26:16

Tüshe küyimki api reangzahde akamkhea, anihbuh thsümünimpü api kükheangde kam. Tümüde apinü Atungpuh api Thrünpuh azhihde amülim thsü, tüsho rhümthüneabe kingaün sadam kheak kingaünpü Atungpuh arüngyam ching yüzah.

MUNGSHIKHÜN 104:28

Nünü tümü arü kilim jihchonü, arünü hanmukhungchoh; nünü nü khah trünchoh, arübo atsünü mia lah.

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MÜCHITMUDU 11:28

Shepünü nihbuh lakhitbo kheak kinchonü akeambah, tüshe thiyuro-lungkirü a aphüyak sangyü nangde tsüde akambah.

MÜCHITMUDU 23:5

Tümüde atsütsünü lakhitbonü arü ghi thsüchoh; arünü müleang nangde thüning lim phinde tsochoh.

MÜCHITMUDU 27:24

tümüde lakhitbo lünnü alapü yung, yungsho kuthran ju lünbo alala ching rünkhiungde müla.

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

T H S AN GYU T H S AN GR ARÜ 2:24

Mihtsürübo thsungkheaknü atsühpü tüsho ayungpü, tüsho arü rhimokhi ching asühachihkhi kheak hode tümü atsübe müla. Ha she Thrünpuh khah chingnü ah de inü ngü;

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 49:4

Tümüde nü yo jindükhün thsungkheak nü kükheangcho? Nü sühmüh keakeade kamchoh O akin mülakhi tsührübe. Nünü nü rahpungbo ching kinde thachoh, “Shenü I azhihpü?”

EZEKIEL 16:56

Nü kükheangkhi nimung ching nünü nü mün chingnü nü chi Sodom mükheyuk,

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

MATHI 19:23

Tüsho Jisunü api jingyanrübo ki tha, “Atsütsü inü nüsa ki thachoh, alarü mihtsürü khülangnü yinmi kiulongthsü ching yüzahpü chaklah.

MATHI 25:16

Judüki suna shonak 5000 leangkhibuhnü yübah jurünü shothsübu, tüsho püpü alü 5000 kamshih.

MATHI 27:57

Küyimki arelim kamkhea, nihbuh zangrü Jisu jingyanrü kamkhi Arimathea chingnü alarü mihtsürü khülang Josep arü.

MATHI 6:32

Tümüde amükinrübonü harü alala dunglim müshamchoh, tüsho nüsa jurü yihnüpü lah de yinmi ching nüsa Abuhnü mükheahlah.

MARK 10:24

Tüsho jingyanrübonü api yu dünkheak müyinsah. Tüshe Jisunü arü ki thalo, “Azürübo, lakhit kheak kinrünü Thrünpuh kiulongthsü ching yüzahpü küdükhüh achak a!

LUKNÜ ATHRÜTKHI THIYUSHEAK-ATSÜ HUHTANYU 19:2

Ju ching mihtsürü khülang amung Zakai, ruk-threrü atorü, tüsho alarü lakheah.

LUKNÜ ATHRÜTKHI THIYUSHEAK-ATSÜ HUHTANYU 3:11

Tüsho apinü arü ki alo, “Shepü pangkhümpü mahne lanü, apinü amülabuh kilim jihshang; tüsho shepü tsühyungbe lanü apinü she jude thsüshang.”

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

YUNIRÜBO RHIMO 17:25

Tüsho apinü tümükhüh künkhi nangde mihtsürü khahnü mükipduhchoh, tümütüsho apinü lang mihtsürü alala kilim rhang le sheak tüsho lüpdükhi jihchoh.

ROMRÜ KILIM PAULNÜ ATHRÜTKHI KIHÜM HUHTANYU 11:20

Ju thiyuro. Arünü mükinmonü arübo yihshak, tüshe nüsanü akin hode düküngde zhip. Jumonü dükükheang, tüshe trede zhipang.

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

YUZÜNGTHALO 33:15

adüso müzüngbo chingnü akhiukkhi atsüdakbe, tüsho akheam mülakhi awungbo kheaknü akhiukkhinü,

YUZÜNGTHALO 8:17

Jumonü nüsanü nihbuh wu tüsho sühmüh hode lakhit ngüdo de küyimkishe mülümbeah.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

1 TIMOTHI 3:15

I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

1 TIMOTHI 4:10

Isanü mürangde rhimodo, tümütüsho isanü akinrü mihtsürü alala khümkhitrü, arhang Thrünpuh kheak isa mulonglam zo.

1 TIMOTHI 5:21

Thrünpuh tüsho Jisu Khrista le amokhitkhi yunirübo mikinü mulong müyütde, jakkheahkhi mürhimopü thsüde ha yuzüngbo anipü inü nü ki tuthsukchoh.

1 TIMOTHI 6:13

Alala kilim rhangdung jihbuh Thrünpuh tüsho Pontia Pilat miki thiyumütsan tsüde alokhikhi Jisu Khrista mikinü,

1 TIMOTHI 6:9

Tüshe sherünü alarü kampü künchonü rükaki ching, azheang ching tüsho makhade mihtsürü thokheambe tüsho athsümünimbe ahihdo ching yüzahchoh.

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

TITA 2:12

akin mülakhi tüsho alomi yihnelune bahyukpü tüsho adanyukpü alungki, tüsho ha lomi ching akinrü thsüde alapü,

TITA 3:6

küpü apinü isa khümkhitrü Jisu Khrista hode isa kheak me suhdahde dungkihjih,

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.