1 TIMOTHI 6:16 - AMÜSÜH HÜM CL Bible (BSI)

¹⁶ api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

1 TIMOTHI 6:16 Iomraidhean Croise

JOB HU H T ANYU 37:23

Wutobuh–isanü api müngükhuk; api a wu ching, mahkhapkhi ching khiukchimkhi thiyuro ching rünkhitlah. Apinü mujuno.

MUNGSHIKHÜN 104:2

shepü khimmih nangde ayinnü phudola, shepünü zhindokhim nangde thüningbo thoshang,

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

ABEKHIT 3:14

Thrünpuhnü Mosa ki tha, “I JU I AH . Nünü arü ki hade thaang, ‘I AH de athabuhnü I nüsa kilim arüshihkheah.’ ”

ABEKHIT 33:20

Tüshe apinü tha, “Nüsanü I miro müngükhuk; tümüde mihtsürü sheshe I ngübah rhangdung lapü yung.”

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

HABAKKUK 3:4

Ayinatrümkhi ju ani nangde alakheah; anijingbo ju api wu jika lapung api khah chingnü arü.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 14:9

Jisunü api ki tha, “Philip, I nüsa lung khide ruhde lado, tüsho kheaküshe nünü I mümükheah de? Shepünü I ngüdünü I Buh ngüdo; jumonü küde thsah nünü, ‘Isa ki Abuh huhang,’ de thacho?

JOHAN 6:46

Shepü Thrünpuh kilimnü lanü apinü yungsho shenü she Abuh müngü; apinü Abuh ngüdo.

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

EFISIA 3:21

borü ching tüsho isa Khrista ching lünbo alala kilim lünnü lün api müretahshang. Amen.

YUZÜNGTHALO 32:40

Tümüde inü I khah thüning lim shuhkihbah thiyuchihchim: I lünnü lah,

FILIPI 4:20

Isa Abuh Thrünpuh kilim lünnü lün müretah thsang. Amen.

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

IBRI 13:8

Jisu Khrista ju yini, khihni tüsho lünnü rukhüh ah.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 JOHAN 1:5

Thrünpuh ju ayin tüsho api kheak amiting tümü mülade api kilimnü isanü asokhi thiyusheak ha lah tüsho isanü nüsa ki zhiyukchoh.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 4:12

Mihtsürü shenü she Thrünpuh müngüakheah; isanü khülangnü khülang muzhoachihsho, Thrünpuh isa lung lah tüsho api amuzho isa kheak banthsangde lah.

JUDNÜ ATHRÜTKHI KIHÜM HUHTANYU 1:25

Thrünpuh, isa Atungpuh Jisu Khrista hode isa khümkhitbuh kilim müretah, wüntre-müretah, yakzan shuhkhi, tüsho wu, kim alala müngüh, kheakü tüsho lünnü laang. Amen.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

AMIKHEAKAKHIUKKHI 4:11

“Isa Atungpuh tüsho Thrünpuh, müretah, wüntre tüsho wu leangkhipü nü athülün ah, tümüde nünü alala thrün, tüsho nü lümkhinü arü thrün tüsho rhangdung lah.”

AMIKHEAKAKHIUKKHI 7:12

tha, “Amen! Müngühmühi, müretah, lümlung, makshejihkhi, wüntre, wu tüsho sühmüh lünnü lün isa Atungpuh yo thsang! Amen.”