1 TIMOTHI 6:13 - AMÜSÜH HÜM CL Bible (BSI)

¹³ Alala kilim rhangdung jihbuh Thrünpuh tüsho Pontia Pilat miki thiyumütsan tsüde alokhikhi Jisu Khrista mikinü,

1 TIMOTHI 6:13 Iomraidhean Croise

MATHI 27:11

Kheakü Jisu ju kovünor miki zhip. Tüsho kovünornü api ki keokhi, “Nü Jihudarü kiulongthsüpuh a de?” Jisunü alo, “Am, nünü thachoh.”

MATHI 27:2

Arünü api rhük tüsho Rom kovünor Pilat kilim bede yünü jih.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

JOHAN 5:21

Tümüde Abuhnü asherü arhang kamloshihde arü ki rhangdung jikhi nangde atsührünü she apinü amulongrü ki rhangdung jihchoh.

JOHAN 5:26

Tümüde Abuh ju anihbuh kheak rhangdung lakhi nangde, api kheak rhangdung lapü atsührü ki mülüjihdo,

YUNIRÜBO RHIMO 17:25

Tüsho apinü tümükhüh künkhi nangde mihtsürü khahnü mükipduhchoh, tümütüsho apinü lang mihtsürü alala kilim rhang le sheak tüsho lüpdükhi jihchoh.

2 KORINT 9:13

Ha tankihkhi mütsankhi ching, nüsanü Khrista thiyusheak-atsü mihyuanikhi tüsho arü le püpürü alala thsungkheak salade arungkhi hode arünü Thrünpuh müretahshihbah.

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

1 TIMOTHI 1:12

Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

1 TIMOTHI 1:15

Aneakrü khümkhitpü Jisu Khrista ha lomi ching arükheah de athakhi atsütsü tüsho dükde aleangkhibe athülün lah, tüsho arü kheaknü I amütsübe ah;

1 TIMOTHI 2:5

Tümüde Thrünpuh khülang, tüsho Thrünpuh le mihtsürü dükeak limburü, mihtsürü Jisu Khrista lah,

1 TIMOTHI 5:21

Thrünpuh tüsho Jisu Khrista le amokhitkhi yunirübo mikinü mulong müyütde, jakkheahkhi mürhimopü thsüde ha yuzüngbo anipü inü nü ki tuthsukchoh.

1 TIMOTHI 6:12

Akin keochih atsü keochihang; ahihdo thiyumütsan mikinü alokhichoki nü jikhi lün rhangdung ramrihang.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.

1 SAMUEL 2:6

Atungpuhnü laksahchoh tüsho rhangdung lashihchoh; apinü Ashe-lomi ching beyukchoh tüsho asürüloshihchoh.