1 TIMOTHI 6:11 - AMÜSÜH HÜM CL Bible (BSI)

¹¹ Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

1 TIMOTHI 6:11 Iomraidhean Croise

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

1 KIULONG THSÜRÜ 13:26

Küyimki api limro chingnü belode arübuh wukihrünü ju sokhea, apinü tha, “Ha Atungpuh yu manibuh Thrünpuh mihtsürü ah; jumonü Atungpuhnü api ki thakhi yu yande Atungpuhnü api kekhüzü kilim jihbah, api zamthünak tüsho nguhsahdo.”

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

1 KIULONG THSÜRÜ 17:24

Jumonü alibenü Elija ki tha, “ Kheakü nü Thrünpuh mihtsürü ah de inü mükheahlah, tüsho nü mün ching lakhi Atungpuh yu thiyuro ah.”

1 KIULONG THSÜRÜ 20:28

Thrünpuh mihtsürü arü tüsho Israel kiulongthsüpuh ki tha, “Atungpuhnü ha thachoh: Tümütüsho Siriarünü thado, ‘Atungpuh a awungbo thrünpuh ah tüshe api a adükhünbo thrünpuh yung,’ jumonü inü ha boto ato alala nü khah ching jihbah, tüsho I Atungpuh de nünü amükheahbah.”

2 KIULONG THSÜRÜ 1:13

Kheaküshe kiulongthsüpuhnü asampü thünim yo wühkenorü lung api mihtsürü 50 yüshih. Junangde asampü thünim yo wühkenobuhnü wutu, tüsho arübah Elija miki khukning, tüsho api ki mushu, “O Thrünpuh mihtsürü, muzhobah I rhangdung tüsho harü nü yamlarübo 50 rhangdung ha nü miki shoto kamshang.

2 KIULONG THSÜRÜ 1:9

Judüki kiulongthsüpuhnü api kilim thünim yo wühkenorü lung api mihtsürü 50 yüshih. Apinü awung mujuk kheak binde alakhi Elija kilim wutu tüsho api ki tha, “O Thrünpuh mihtsürü, kiulongthsüpuhnü thachoh, ‘ Akiang.’”

2 KIULONG THSÜRÜ 23:17

Judüki apinü tha, “Inü ngüde alakhi lung-khimkhi ju tümü a?” Kiuto mihtsürübonü api ki tha, “Ha Juda chingnü arübah nünü Bethel ching lakhi kingaün sadambo azhihde arhimokhi dünkheak harü müchitkhi Thrünpuh mihtsürü kiuyuk ah.”

2 KIULONG THSÜRÜ 5:20

Thrünpuh mihtsürü Elisha yamlabuh, Gehazinü lüm, “Siriarü Naamannü ajihkhi müleangkhide I putungpuhnü khide thülihde tsoshihdo. Atungpuh lale, inü api dunglim alihbah tüsho api kilimnü tümükhüh ngübah.”

1 KIUTHSÜYUKHEAN 23:14

tüshe Thrünpuh mihtsürü Mosa thsungkheak a, api tsührübo ju Levi trük lung kheyuk.

2 KIUTHSÜYUKHEAN 8:14

Abuh David yuzüng yande, apinü amükeamrübo chamnakkhi arü tankihpü thsungkheak, Levirü thsungkheak mungshi rhimo yambo tüsho nimung aban yihnüpü lakhi amükeamrü rungpü rhimobo, tüsho ripit aphuaphu thsungkheak ripit neakrü chamnakbo; tümütüsho junangde Thrünpuh mihtsürü Davidnü thiyukhüm jih.

NEHEMIA 12:24

Hashabia, Sherebia, tüsho Kadmiel tsührü Jeshua pürünü arü keoniorü lung nungbah Thrünpuh mihtsürü, kiulongthsüpuh Davidnü thsangdankhi yande, bo mahnenü aloachihde Thrünpuh mung shi.

NEHEMIA 12:36

tüsho api buhtsührü, Shemaia, Azarel, Milalai, Gilalai, Maai, Nethanel, Juda tüsho Hanani, arünü Thrünpuh mihtsürü David yo khungpi aphuaphu shuh. Tüsho arü müngüh Ezra athrütbuhnü thobah dung.

MUNGSHIKHÜN 34:14

Amütsü chingnü chamkhiang tüsho atsü rhimoang; mungtsü yimang, tüsho ju müshamang.

MUNGSHIKHÜN 38:20

Atsü dün amütsü jihlorünü I azhihchoh, tümütüsho inü alungki rhimopü mürangchoh.

MÜCHITMUDU 15:9

Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

ISAIA 51:1

I ki aniang, nüsa thiyuro-lungki müshamrübo, nüsa Atungpuh yimrübo. Nü phukkhipung lung kheak tüsho nü kiupung alokhün kheahang.

JEREMIA 35:4

Inü arübo Atungpuh yam ching, Thrünpuh mihtsürü Igdalia tsührü Hanan tsührübo khiungshak ching bedarü. Ha ripit neakbuh Shallum tsührü Maaseia khiungshak kumung atorübo khiungshak phünide lakheah.

ROMRÜ KILIM PAULNÜ ATHRÜTKHI KIHÜM HUHTANYU 14:19

Tümünü mungtsü thsücho tüsho bekihchonü isanü yananü.

1 KORINT 10:14

Jumonü inü amuzhorübo, sangthsübo kingaünpü bahkhiang.

1 KORINT 14:1

Amuzho müshamang, tüsho me thsambahbo, adungto thsüde müchitpü künang.

1 KORINT 6:18

Müzammüram mükihkhiang. Mihtsürünü ayihbeakkhi neak püpü a pang aleanglim ah; tüshe müzammüram mihtsürünü nihbuh pang azhihde neak thsüchoh.

YUZÜNGTHALO 16:20

Nünü küju thiyuroanü ju yimang, junangde nü rhangdung labah tüsho Atungpuh nüsa Thrünpuhnü ajihkhi lo yamrüplurüp lubah.

YUZÜNGTHALO 33:1

Ha müngühmühi ha Thrünpuh mihtsürü Mosanü api shepü müngüh Israel tsührübo müngühjihkhi ah.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

2 TIMOTHI 2:21

Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

2 TIMOTHI 3:17

junangde Thrünpuh mihtsürü ju rhimo atsü alala thsungkheak banthsangde, yeankhita labah.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

1 PETER 3:11

Apinü amütsü chingnü rholobah atsü rhimobeah; apinü mungtsü yimbeah tüsho ju müshambeah.

1 SAMUEL 2:27

Thrünpuh mihtsürü khülang Eli kilim arü tüsho api ki tha, “ Hanangde Atungpuhnü thachoh, ‘ Küyimki nü pü Ijip ching Pharao yamkhün bukkhüp azhorü lakheanü inü I amikheak akhiuka huhdo.

1 SAMUEL 9:6

Tüshe azübuhnü Saul ki tha, “ Ha kiuto ching Thrünpuh mihtsürü khülang lah; api kheak wüntre kihde lachoh. Apinü tümüpürü thabanü kamruhroro dünjichoh. Kheakü ike ju ching yüanü; khükijua ike yüpü limro apinü ahuhbah.”