1 TIMOTHI 5:8 - AMÜSÜH HÜM CL Bible (BSI)

⁸ Khürünü nihbuh buhtsührü khung mükümsho, apinü akin thsunglochoh tüsho amükinrü kheaknü amütsübe ah.

1 TIMOTHI 5:8 Iomraidhean Croise

THRÜNTAN 30:30

Tümüde I marüyichoki nü anikhüh lakheah, tüshe kheakü ahihkhüh kamdo; I arü shunü Atungpuhnü nü müngühjihdo. Tüsho kheakü, I yamkhün thsungkheak inü küyimki rhimoba?”

ISAIA 58:7

Nü yikhap ju akhümrü kippü tüsho thüyam mülarü zhochihrü nü yam ching bedarüpü yung de; küyimki nünü bünkeang ngübanü, arü yihdojihpü tüsho nü keoniorü kheaknü nü müjikpü yung de?

MATHI 18:17

Apinü arü yu manisho, borü ki thaang; tüsho apinü borü yu she manisho nüsanü api ju amükinrü yungsho ruk-threrü nangde khejang.

MATHI 7:11

Jumonü nüsa mütsüde zobah nüsa tsührübo kilim thsambahbo atsü jihpü mükheahlasho, yinmi ching nüsa Abuhnü api ki kheangrü kilim küdükhüh she atsübo müjihpü!

JOHAN 15:22

I arübah arü ki masukkhülaa, arünü neak müyihbeaka labah, tüshe kheakü arü neak thsungkheak arünü amudopü müla.

1 KORINT 6:6

Tüshe keoniorünü keoniorü azhihde mahkhappung ching amükinrü miki yüchoh!

2 KORINT 12:14

Kheakü inü mahsam kipü nüsa rhuakheahpü thsakhambah lah, tüshe I nüsa ki hahmülang mükam, tümütüsho inü alunekhi ju nüsa lakhit yung tüshe nüsa ah; tümüde tsührübonü bebuhrü khilim yung tüshe bebuhrübonü tsührübo khilim zojihbeah.

2 KORINT 6:15

Khrista tüsho amünean dükeak arihachihkhi tümü la? Yungsho akinrünü amükinrü lung rukhüh tümü la?

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

2 TIMOTHI 2:12

isanü arümsho, isa she api lung kiulongthsübah; isanü api reanglosho, apinü she isa reanglobah;

2 TIMOTHI 3:5

kingaün yakli shuhbah tüshe ju wu reanglokhi labah. Hadürü mihtsürü bahkhiang.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 3:8

“‘Inü nü rhimobo mükheahlah. Kheahang, shenü she mürihkhukpü thsüde inü nü miki ripit khimshuhkhi zolah; nü sühmüh ninilah de inü mükheahlah, tütüshe nünü I yu zodo tüsho I mung müreanglo.