1 TIMOTHI 5:6 - AMÜSÜH HÜM CL Bible (BSI)

⁶ tüshe khimoberü shepünü shih reangkeampü ching jihchonü anihbe arhang lalashe ashekhi lah.

1 TIMOTHI 5:6 Iomraidhean Croise

THRÜNTAN 2:17

tüshe atsü le amütsü mükheahbe sangdung kheaknü nünü mütsühbeah; tümüde küpü nimung nünü ju tsühbanü dükde nü ashebah.”

MÜCHITMUDU 29:21

Nünü nü yamlarü azüchokinü apinü alunekhi lüpdükhi jihsho, nimung khürü ching a apinü nü yo lüpdükhi luabahbah.

ISAIA 22:13

tüshe ju müthri asühachih tüsho thünio lakheah, moshipung tüsho namfimihnu laksahde, shih tsühde tüsho yukhu yungde la. Nüsanü tha, “ Isanü tsühanü tüsho yunganü, tümüde shido isa ashebah.”

ISAIA 47:1

Akiang tüsho asungthulung ching binang, atsangkhit tsührübe Babilon! Kiulongthsü-binkiu kheak yungde alo kheak binang, tsührübe Kaldea! Tümüde nü kheaküa athünak tüsho aliuhliuh de müji.

JEREMIA 6:2

Zion kiuto akheahakhamlah, tüshe athsümünimbah.

TÜZHOKHI 4:5

Tsühyungpü atsüdak tsührübo kiudunglimrobo ching dükheakchoh; Lalim tsükhi ching mütrümusurü kheaküa awah mujung kheak yaplah.

MATHI 8:22

Tüshe Jisunü api ki alo, “I dunglim yanang, tüsho asherünü arü asherü kiuyuka bahshang.”

LUKNÜ ATHRÜTKHI THIYUSHEAK-ATSÜ HUHTANYU 12:19

Tüsho inü I me ki thabah, “Me, nünü kam ahihdo thsungkheak kukruk hihde zolah; nü zuzu thsang; tsühang, yungang tüsho asühang.” ‘

LUKNÜ ATHRÜTKHI THIYUSHEAK-ATSÜ HUHTANYU 15:13

Nimung anükhüh dunglim, akheambuhnü api lakhi alala hanmukhungbah limshu lomi ching hantsahde yü tüsho api lakhit phinphurukabah.

LUKNÜ ATHRÜTKHI THIYUSHEAK-ATSÜ HUHTANYU 15:24

tümüde I tsührü ha shea lakheah tüshe kheakü arhang lalolah; api dükheaka lakheah tüshe ngüdo.’ Tüsho arünü asühachihpü tankih.

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

LUKNÜ ATHRÜTKHI THIYUSHEAK-ATSÜ HUHTANYU 16:19

“Alarü mihtsürü khülang mürümmuchu khim tüsho atsüdak khimzhingzhing phuyubah nimung aban müthangmüsün ching lakheah.

LUKNÜ ATHRÜTKHI THIYUSHEAK-ATSÜ HUHTANYU 7:25

Judü yungsho, nüsa tümü kheahpü yükhea? Khimmih athünak yihkhi mihtsürü a shi? Kheahang, shoto khimmih yihrü tüsho müthangmüsün ching larü kiulongthsürü-yambo ching lah.

EFISIA 2:1

Tüsho nüsa alakmihkhibo tüsho neakbo ching shea lakhi apinü arhang kamshih,

EFISIA 2:5

isanü alakmihkhi hode isa shea lachoki she Khrista lung rukhüh arhang kamshih (amüthsüm hode nüsa khümkhit),

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

YUZÜNGTHALO 28:54

Nüsa bolung adüngakhi tüsho azhihayihrünü she nihbuh keoniorü yungsho apinü amuzhokhi yamkhünbe yungsho aningkhi atsührübo kheak she marümkheamkhukde abahbah;

YUZÜNGTHALO 28:56

Nüsa bolung aliberü adüngakhi tüsho azhihayih, shepü ajinglungnü alo kheak müqiukheanü anihbenü she aniubuh le atsührü tüsho tsührübebo ki,

KOLOSI 2:13

Tüsho nüsa sherü neak tüsho shih tsütamübahkhi ching shea lakhea, Thrünpuhnü isa neakbo alala bahjihde api lung arhang lashih;

2 TIMOTHI 3:6

Arü khürünü mihtsürü yambo ching yüzahchoh tüsho arü neak ching mülimde, reangmüzahkhi tüsho shihkünkhi mungji alalanü bephülapkhi liberübo,

JAKOB 5:5

Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo.

AMIKHEAKAKHIUKKHI 18:7

Anihbenü müretah-a lukhi tüsho müthangmüsün ahorikhi nangde, alibe kilim ju ruk adüna thsümüchi tüsho tüzhopü jihang. Tümütüsho anihbe mulong ching alibenü thachoh, ‘I kiulongthsüberü thsüde binlah; I a khimoberü yung, I küyimkishe mütüzho,’

AMIKHEAKAKHIUKKHI 3:1

“Tüsho Sardis ching borü yunirü kilim thrütang: ‘Thrünpuh mebo thüne tüsho chining thüne labuh yubo. “ ‘Inü nü rhimobo mükheahlah; nü arhang larü mung lah, tüshe nü a shea lah.

1 SAMUEL 15:32

Judüki Samuelnü tha, “ Amalekrü kiulongthsüpuh Agag ha ching I ki bebah arang.” Tüsho Agagnü trede ajande api ki arü. Agagnü tha, “ Tsükjide ha khühde ashepü lah.”

1 SAMUEL 25:6

Nüsanü api ki ha ruk akin jihang: ‘Nü mungtsü laang, tüsho nü yamkhün ching mungtsü laang, tüsho nü lakhi alala ching mungtsü laang.