1 TIMOTHI 5:5 - AMÜSÜH HÜM CL Bible (BSI)

⁵ Alibe shepü atsütsü khimoberü la, tüsho langzü lanü, anihbenü Thrünpuh kheak mulonglam zoshang tüsho azhing ayin mutukzhakde mushude tamkhüntamnüshang;

1 TIMOTHI 5:5 Iomraidhean Croise

MUNGSHIKHÜN 91:4

Apinü nü api moghidungbonü alüpdobah, tüsho api ghidükeangbo khüp nü tsoyukbah; api yo thiyuro ju nü tsung tüsho tsungnini thsübah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 3:26

Tüsho Zion chipiripitbonü tüzhode mitripbah; zhikrangkhündo, anihbe alo kheak binbah.

ISAIA 49:21

Judüki nü mulong ching nünü athabah, “Shenü I kilim harü zübejihkhea? I mitripde tüsho bünkeangberü, ramtso ching tsoshih-a lakheah– jumonü shenü harü mütrükhea? I a I langzü tsütsü lang alakheah dale harü küchingnü arükhea?”

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

ISAIA 54:1

Khün thsang, O bünkeang-berü; khün thsang, tüsho zhiang, nü khungarü müzübebe! Tümüde arhangrü tsührü kheaknü bahyuka lakhi tsührü ahihbe labah, Atungpuhnü thachoh.

TÜZHOKHI 1:13

Achang kheaknü apinü mo arüshih; ha I robo ching sükde yüzahdo; apinü I jing thsungkheak keang zünga zo; apinü I ashitloshih; apinü I zhikabahshih, nimung amuyung shekhia lashih.

LUKNÜ ATHRÜTKHI THIYUSHEAK-ATSÜ HUHTANYU 18:1

Judüki arünü kamruhroro tamkhüntamnüpü tüsho mulong müninipü thsangyude api jingyanrübo ki Jisunü shihdanglimyu tha.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

LUKNÜ ATHRÜTKHI THIYUSHEAK-ATSÜ HUHTANYU 2:37

tüsho anihbe kam 84 khiungde khimode la. Alibenü küyimkishe arüngyam bahbah mutso tüshe azhing ayin kingaünde, khümkeakde tüsho tamkhüntamnüde alakheah.

YUNIRÜBO RHIMO 26:7

Arünü azhihayihde azhing ayin Thrünpuh tankihde alachoki isa trük thürükheak mahnenü angüpü mulonglamkhi ju ha lah, O kiulongthsüpuh ha mulonglam dünkheak Jihudarünü I müdamchoh.

YUNIRÜBO RHIMO 6:1

Judüki nimungbo ching akinrübo hihde kamchoki, Greek-yu-tharü Jihudarü le Jihudarü mihkhung dükeak rukachih lakheah, tümütüsho arü khimoberübo nimung aban chamzüchamdo ching bahyukde alakheah.

YUNIRÜBO RHIMO 9:39

Jumonü Peternü tsahmusubah ane lung yü. Tüsho küyimki api arükhea, arünü api achangbe khiungshak ching bede yükih. Khimoberü alala api rheang ki tripde zhip, tüsho alibe arü lung lachoki Dorkanü pangkhümpü le khimmihbo keakkhi huh.

YUNIRÜBO RHIMO 9:41

Apinü akhah chunga yüshih tüsho anihbe thomusu. Judüki akinrübo le khimoberübo jibah alibe ju arhang kama arü kilim jih.

ROMRÜ KILIM PAULNÜ ATHRÜTKHI KIHÜM HUHTANYU 1:12

junangde isabo akin hode nüsa tüsho I yanmusuachihbah.

ROMRÜ KILIM PAULNÜ ATHRÜTKHI KIHÜM HUHTANYU 1:5

shepü hode isanü amüthsüm tüsho api mung ching trükshih alala bolung akin ching mihyuanipü amüsüh-thsangyurü thsüpü leangkhikhea,

1 KORINT 7:32

Inü nüsa mulong sansan chingnü zuzu kamshihnelah. Yamkhün mükamkhi mihtsürünü künangde Atungpuh asühshihbanü de Atungpuh rhimo dünkheak mulong sansanchoh;

1 KORINT 7:34

tüsho api lümkhi lümtrüp thsülah. Tüsho mürhangkhi liberü yungsho anünürünü, künangde pang tüsho me ching amüsüh laba de Atungpuh rhimo dünkheak mulong sansanchoh; tüshe arhangkhi liberü a künangde aniubuh asühshihbaki de alomi rhimo dünkheak mulong sansanchoh.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

1 TIMOTHI 2:1

Akhuhbe ching inü atuthsukkhi ju mihtsürü alala thsungkheak mushukhi, tamkhüntamnükhi, amushujihkhi, tüsho makshe-jihkhi–

1 TIMOTHI 5:16

Akinrü liberü khürü betsührü khimoberübo lasho, anihbenü arü rungshang; borü kilim hahmülang düjih, junangde atsütsü khimoberübo rungkhukbah.

1 TIMOTHI 5:3

Atsütsü langzü larü khimoberü ki wüntre jihang.

2 TIMOTHI 1:3

Küyimki inü I tamkhüntamnü ching azhing ayin nü lümkhitbanü, I buh pürünü arhimokhi nangde I lümkhi amüsühnü atankihkhi Thrünpuh ki inü makshe jihchoh.

1 PETER 3:5

Junangde ahokhi ching Thrünpuh kheak mulonglam larü amüsüh liberübonü arü niubuhrü bukkhüp lakhinü arü jak tsüde kamshih.

RUTH 2:12

Atungpuh Israel Thrünpuh shepü ghidükeang bukkhüp nü tsoyukpü arükheanü, apinü nü rhimo tüsho nü mihkhah mode thsambah jihshang!”