1 TIMOTHI 5:17 - AMÜSÜH HÜM CL Bible (BSI)

¹⁷ Azothsürü sherünü tsüde yakzan shuhcho, adungto thsüde thsangyuthsangra tüsho thsangyupü ching khisahrü alü wüntrepü thülünkhi thsüshang;

1 TIMOTHI 5:17 Iomraidhean Croise

2 KIULONG THSÜRÜ 2:9

Küyimki ane hokhea, Elijanü Elisha ki tha, “I nü kheaknü bede mutsoyichokinü, nü thsungkheak inü tümü rhimobeanü I ki thaang.” Elishanü alo, “Muzhobah inü alü thsüde nü me yamrüplurüp luanü.”

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

JEREMIA 16:18

Tüsho inü arü mülimkhi tüsho arü neak alü thsüde ajihlobah, tümütüsho arünü athraneanbe sangthsükhi ashemibonü I lomi müneanjihdo, tüsho athraneanbebonü I yamrüplurüp mishihdo.

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

WÜHKHE 18:31

Küpüküpü dangpung chingnü she nü tüsho nü yamkhünnü atsühpü kuklah, tümüde ha nüsanü arüngyam ching rhimokhi dün thsambah ah.

MATHI 24:25

Kheahang inü nüsa ki amüngühnü thado.

LUKNÜ ATHRÜTKHI THIYUSHEAK-ATSÜ HUHTANYU 10:7

Tüsho arünü ajihkhi tsühyungde ju yam ching binang, tümüde rhimorü a nihbuh mihkhah dün ngüpü thülünlah. Thüyam khülang chingnü püpü ching düyü.

LUKNÜ ATHRÜTKHI THIYUSHEAK-ATSÜ HUHTANYU 12:42

Tüsho Atungpuhnü tha, “Dale tüsho aputungrünü ayamkhün kurungkheak yakzanshuhrü thsüshihbah arü kilim kim dükdü ching tsühyungpü shihcham jihshihpü athülünkhi tüsho lümlung lakhi khinkihthsürü ju shepü a?

JOHAN 4:38

Nüsanü mürhimokhi yimlupü inü nüsa thiyido; püpürünü rhimodo, tüsho nüsanü arü rhimobo alü thsükhi yimludo.”

YUNIRÜBO RHIMO 11:30

tüsho junangde arünü Barnaba le Saul büne kheaknü azothsürübo kilim ju mühah-a yüshih.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

YUNIRÜBO RHIMO 28:10

Arünü thsambah ahihdo isa kilim jih; tüsho küyimki isa ayükhea, arünü isa yihnüpü lakhibo sangkung ching yukjih.

ROMRÜ KILIM PAULNÜ ATHRÜTKHI KIHÜM HUHTANYU 12:8

shepünü tuthsukchonü, apinü atuthsukkhi ching; shepünü rungzürungdochonü, salakhi ching; shepünü limbechonü, jinjihde; shepünü mihmüthsüm huhchonü, asühsahdo rhimoang.

ROMRÜ KILIM PAULNÜ ATHRÜTKHI KIHÜM HUHTANYU 15:27

arünü ju rhimopü pungkhi, tüsho atsütsü, arübo kilim arü shozüng lah, tümüde khiungkerünü arü me müngühmühi ching shihcham lusho, arünü kukruk müngühmühi chingnü arü rungbeah.

ROMRÜ KILIM PAULNÜ ATHRÜTKHI KIHÜM HUHTANYU 16:12

Atungpuh rhimo ching larü Tryphaena tüsho Tryphosa ki salüm jihang, Atungpuh lung mürangde arhimokhi amuzho Persis ki salüm jihang.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

1 KORINT 16:16

harü mihtsürü tüsho rukhüh rhimorü le kimthsürü aban ki akinashu lapü nüsa ki tuthsukchoh.

1 KORINT 3:9

Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

GALATIA 6:6

Shepü ki thiyu thsangyukhea, api kukruk atsü alala thsangyurü ki chamachihang.

YUZÜNGTHALO 18:8

Arübo shihcham rukhühnü atsühbah, tüshe anihbuh betsührünü yamrüplurüp yinbah amühahkhi apinü azobah.

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

FILIPI 2:29

Jumonü Atungpuh lung asühde api leangkhiang; tüsho hadürü mihtsürü ki wüntre jihang,

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

1 TIMOTHI 3:5

tümüde mihtsürü khülangnü nihbuh yambuk mükümkhuksho apinü küde thsah Thrünpuh borü kümkhukba?

1 TIMOTHI 4:10

Isanü mürangde rhimodo, tümütüsho isanü akinrü mihtsürü alala khümkhitrü, arhang Thrünpuh kheak isa mulonglam zo.

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.

1 TIMOTHI 4:6

Nünü harü thsangdankhibo keoniorübo ki thasho, nü ju thiyuro akin tüsho nünü anide alakhi thsangyukhi atsü ching bezokhi, Jisu Khrista tankihrü atsü thsübah.

1 TIMOTHI 5:19

Mahne yungsho mahsamnü thiyumütsan thsüde hande arükhi yungsho azothsürü azhihde amülim jihkhi düleangkhi.

1 TIMOTHI 5:3

Atsütsü langzü larü khimoberü ki wüntre jihang.

2 TIMOTHI 2:6

Mürangde awochakrü thulu thsürünü hi akhuhbe shihcham lubeah.

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

IBRI 13:24

Nüsa limberübo tüsho Thrünpuh mihtsürübo alala ki salüm jihang. Itali ching larünü nüsa kilim salüm mühahchoh.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.