1 TIMOTHI 5:1 - AMÜSÜH HÜM CL Bible (BSI)

¹ Azobuhrü mihtsürü düthürüh, tüshe buhrü nangde nünü api ki tuthsukang; akheamrü mihtsürübo ki niurübo nangde,

1 TIMOTHI 5:1 Iomraidhean Croise

LEVI 19:32

Nünü ku buyukrü miki wusuang tüsho ashinbuhrü ki akin jihang, tüsho nü Thrünpuh treang: I Atungpuh ah.

MATHI 23:8

Tüshe nüsa ki a thsangyurü de müji, tümüde nüsa thsangyurü khülang lah, tüsho nüsa alala keoniorü ah.

YUNIRÜBO RHIMO 14:23

Tüsho küyimki arünü borü aban ching azothsürübo tamkhüntamnüde tüsho khümkeak thsüde amokhitkhea, arünü kinde alakhi Atungpuh kilim arübo shuhmülanga jih.

YUNIRÜBO RHIMO 15:4

Küyimki ane Jirusalem ching arükhea, borü tüsho amüsühthsangyurü le azothsürübonü ane leangkhi, tüsho Thrünpuhnü arü kheak rhimokhi alala thaa huh.

YUNIRÜBO RHIMO 15:6

Amüsüh-thsangyurübo tüsho azothsürübonü ju lümakheahpü rukhüh mukhung.

YUNIRÜBO RHIMO 20:17

Tüsho apinü Mileta chingnü Efisia ching yüshihbah api kilim borü azothsürübo jide arüshih.

ROMRÜ KILIM PAULNÜ ATHRÜTKHI KIHÜM HUHTANYU 13:7

Ajihpü larü alala ki jihang, rukbo jihpü larü ki jihang, ashakpü larü ki shakang, akin tüsho wüntre jihpü larü ki jihang.

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

YUZÜNGTHALO 33:9

shepünü abuh tüsho abe ki, ‘Inü arü mümükheah’ de athakhea; apinü akhiung bahyuk tüsho atsührübo mümükheahde kam. Tümüde arünü nü yu ani tüsho nü ki tangzüngkhi zo.

1 TIMOTHI 5:17

Azothsürü sherünü tsüde yakzan shuhcho, adungto thsüde thsangyuthsangra tüsho thsangyupü ching khisahrü alü wüntrepü thülünkhi thsüshang;

1 TIMOTHI 5:2

azoberübo ki berübo nangde, akheamrü aliberübo ki niurübo nangde, alala atsangkhitkhi ching rhimoang.

TITA 2:2

Azobuhrü mihtsürü ki arümkheampü, mulong jihpü, kurhangpü, tüsho akin ching, amuzho ching, tüsho rünkhiungpü ching düküngpü thsangyuang.

TITA 2:6

Junangde athunu athrürübo ki she arü nihbuh danyukpü tuthsukang.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

JAKOB 5:14

Nüsa bolung khürü tukthsüla shi? Apinü borü azothsürübo jiang, tüsho arünü Atungpuh mung chingnü api kheak müdangke mujujihde tamkhüntamnüshang;

1 PETER 5:1

I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

2 JOHAN 1:1

Azothsürü kilimnü, I tüsho thiyuro mükheahrü alala thiyuro ching muzhokhi amokhitkhi liberü tüsho anihbe tsührübo kilim–

3 JOHAN 1:1

Azothsürü kilimnü, Thiyuro ching inü amuzhokhi müyambuh Gaius kilim.

AMIKHEAKAKHIUKKHI 4:4

Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah.