1 TIMOTHI 4:8 - AMÜSÜH HÜM CL Bible (BSI)

⁸ pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

1 TIMOTHI 4:8 Iomraidhean Croise

JOB HU H T ANYU 22:2

Mihtsürü khülang Thrünpuh ki yihnüpü lakhukba de? Lümlung larü she api ki alü thsükhukba de?

JOB HU H T ANYU 36:11

Arünü anisho, tüsho api tankihsho, arünü arü nimungbo lalim tsüde tüsho arü kambo reangkeamde hoshihbah.

MUNGSHIKHÜN 145:19

Apinü anihbuh trerünü amulongkhi dünjishihbah; apinü arü zhikhi she asojihbah tüsho arü khümkhitbah.

MUNGSHIKHÜN 37:11

azhihayihrünü lomi lubah tüsho latsühlayung le mungtsü ching asühachihbah.

MUNGSHIKHÜN 37:29

Thiyuro-lungkirünü lomi yamrüplurüp lubah, tüsho ju ching lünnü alabah.

MUNGSHIKHÜN 37:9

Tümüde amütsü rhimorü yankhita bahbah, tüshe sherünü Atungpuh aleangchonü alomi yamrüplurüp lubah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 19:23

Atungpuh trekhinü rhangdung lim bechoh, tüsho shepü ha lanü reangkeamde alabah; api a thsümütsü müngü.

MÜCHITMUDU 22:4

Azhihayih tüsho Atungpuh trekhinü lakhitbo, wüntre tüsho rhangdung lah.

T H S AN GYU T H S AN GR ARÜ 8:12

Aneakrünü amütsü-rhimo chi khülang ki rhimomo she tüsho arü rhangdung shangde lalashe, sherünü Thrünpuh trechonü tsüde alabah de inü mükheahlah, tümütüsho arünü api ki trede zhipchoh,

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

ISAIA 33:16

arübo achangbo kheak labah; arü tsoyukpung ju lung-chipi labah; arü tsühyungpü ahiuhbah, arü ke yungpü ngübah.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

MATHI 12:32

Khürünü Mihtsürü Tsührü azhihde athakhi neak bahjihbah; tüshe shepünü Amüsüh Me azhihde athabanü, ha lün yungsho arübe lün ching she api a neak mübahjih.

MATHI 19:29

Tüsho shepünü I mung dünkheaknü thüyambo, khiungmungrü, chiniurü, abuh, abe, tsührübo yungsho alobo bahjihdünü chi kinü alü ngübah tüsho akheam müla rhangdung yamrüplurüp lubah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

MARK 10:30

arübo thüyam, khiungmungrü, chiniurü, berü, tsührübo, tüsho alobo thsümüchi lade, ha lün tüsho arüpü lakhi, akheam müla rhangdung ching chinü alü thsükhi müleangkhi.

LUKNÜ ATHRÜTKHI THIYUSHEAK-ATSÜ HUHTANYU 5:38

Tüshe yukhu amühdo ju shihküpkeluh aso ching yukbeah.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

1 KORINT 3:22

Paul, Apollo, Kephas, alomi, rhangdung, ashepü, kheakü yungsho arübe thsüthsü alala nüsa yo ah;

1 KORINT 8:8

Tsühyungbenü isa Thrünpuh thüninde müyüshihchoh; isanü mütsühtsüh she isa amütsübe yung, tüsho isanü tsühtsüh she atsübe tümü müla.

1 TIMOTHI 4:7

Amükinrü tüsho khakhih yukheanbo chingnü chamkhiang; akin lim nü küdah thsüde mürangang;

1 TIMOTHI 6:3

Khürünü arükchih kingaünyakzan thsangyukhi tüsho Atungpuh Jisu Khrista thiyuro yubo tüsho akin thsangyukhi kheak mayesho,

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

1 TIMOTHI 6:6

suhdahlah de lümsho akinkhi ching alü ato lah;

2 TIMOTHI 3:5

kingaün yakli shuhbah tüshe ju wu reanglokhi labah. Hadürü mihtsürü bahkhiang.

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

1 JOHAN 2:25

Tüsho ha lün rhangdung apinü isa ki alokhikhi lah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

1 SAMUEL 15:22

Tüsho Samuelnü tha, “Atungpuh yu anikhi kheaknü taka kingaünkhi tüsho laksah-a kingaünkhi ching Atungpuhnü alü asühcho de? Tsükjide, laksah-a kingaünkhi kheaknü a mihyuanikhi atsübe, tüsho namfimihnu pung müdang kheaknü mihyuanikhi atsübe.