1 TIMOTHI 4:3 - AMÜSÜH HÜM CL Bible (BSI)

³ Arünü mihtsürübo yamkhün thsüpü zhipdochoh tüsho akinrü le thiyuro mükheahrünü makshe jihde aleangkhishihpü Thrünpuhnü athrünjihkhi tsühyungbe khürü mütsühpü thiyukhüm jihchoh.

1 TIMOTHI 4:3 Iomraidhean Croise

THRÜNTAN 9:3

Aphapde rhangdung lakhi lüpdükhi nüsa thsungkheak tsühyungbe labah. Sangrung phüyakbo alala inü nüsa kilim jihdo.

T H S AN GYU T H S AN GR ARÜ 5:18

Inü ha yimkhitdo: Thrünpuhnü isa kilim jihkhi rhangdung nimung anükhüh ching alomiküp ching rhimokhi alala lung atsühpü tüsho ayungpü tüsho asühachihkhi lapü atsübe lah; tümüde ha isa shihcham lah.

DANIEL 11:37

Apinü api jipürü thrünpuh yungsho aliberübonü amuzhokhi ki manijih; apinü püpü thrünpuh ki akin müjih, tümüde apinü alala kheaknü anihbuh atobe de alümbah.

MATHI 14:19

Judüki apinü yimto ato ju rimkiu kheak binpü thiyukhüm jih. Apinü yikhap 5 tüsho thüngüh 2 ju lu, tüsho yinmi lim kheahde makshe jih, tüsho yihnakbah jingyanrübo kilim jih; tüsho jingyanrübonü mihtsürübo kilim ahiuh.

MATHI 15:11

Tümü mün ching yüzahchonü junü mihtsürü mümüneanjihchoh; tüshe tümü mün chingnü akhiukchonü junü mihtsürü müneanjihchoh.”

MATHI 15:36

Jushu apinü yikhap 7 tüsho thüngühbo ju lubah makshe jih tüsho yihnakbah api jingyanrübo kilim jih; tüsho jingyanrübonü mihtsürübo kilim ahiuh.

LUKNÜ ATHRÜTKHI THIYUSHEAK-ATSÜ HUHTANYU 24:30

Küyimki api ju ane lung dükhüm ki binde alakhea, apinü yikhap lubah makshe jih tüsho yihnakbah ane kilim jih.

JOHAN 6:23

Judüalalashe, Atungpuhnü makshe jihbah arünü yikhap tsühkhi dangpung phüni Tiberia chingnü sangkung püpübo arü.

YUNIRÜBO RHIMO 27:35

Tüsho küyimki apinü ha thakheanü yikhap lu tüsho alala mikinü Thrünpuh ki makshe jihbah ju yihnak tüsho atsühpü tankih.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 14:3

Shepünü tsühchonü amütsühbuh mükhemükim düthsü, tüsho shepünü mütsühnü atsühbuh kheak mahkhap düla; tümüde Thrünpuhnü api leangkhido.

ROMRÜ KILIM PAULNÜ ATHRÜTKHI KIHÜM HUHTANYU 14:6

Shepünü nimung leangkhichonü, Atungpuh wüntrekhi chingnü leangkhichoh. Shepünü tsühchonü Atungpuh wüntrekhi chingnü tsühchoh, tümütüsho apinü Thrünpuh kilim makshe jihchoh; shepünü mütsühnü Atungpuh wüntrekhi chingnü mütsühchoh tüsho Thrünpuh kilim makshe jihchoh.

1 KORINT 6:13

“Tsühyungbe ju buk thsungkheak tüsho buk ju tsühyungbe thsungkheak”–tüshe Thrünpuhnü ane chido dükheakshihbah. Pang ju müzammüram thsungkheak adungto yung, tüshe Atungpuh thsungkheak, tüsho Atungpuh ju pang thsungkheak.

1 KORINT 7:28

Tüshe nü yamkhün thsüsho nünü neak müyihbeakchoh, tüsho aliberü khülang ju rhangsho anihbenü neak müyihbeakchoh. Tüshe sherü yamkhün thsüchonü alomi küpkhukbo labah, tüsho inü ju chingnü nüsa tsokhitshihnelah.

1 KORINT 8:8

Tsühyungbenü isa Thrünpuh thüninde müyüshihchoh; isanü mütsühtsüh she isa amütsübe yung, tüsho isanü tsühtsüh she atsübe tümü müla.

KOLOSI 2:16

Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 TIMOTHI 2:4

apinü mihtsürü alala khümkhitpü tüsho thiyuro mükheahde kamshihpü mulongde lah.

1 TIMOTHI 4:4

Tümüde Thrünpuhnü athrünkhi lüpdükhi atsü lah, tüsho makshe jihde leangkhisho tümü she abahyukbe müla;

1 TIMOTHI 5:14

Jumonü inü alümkhia anüphulung khimoberü a rhangbah tsührü lade, arü yambuk tsangshubeah, tüsho isa riri kilim isa azhihpü kim müjihbeah.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

IBRI 13:9

Aphuaphu tüsho aso thsüde thsangyukhibonü dübephülapshih; sherünü tsühchonü arü ki alü mülakhi arüngako tsühyungbenü yungde amüthsümnü isa mulong düküngshihkhi ju atsü ah.

1 SAMUEL 9:13

Nüke kiuto ching yüzah akede, kingaün sadam lim yimtsüh muwutuyide api ngübah. Tümüde api marüchokia mihtsürübonü mütsüh, tümütüsho apinü laksah-a kingaünkhi ju müngühjihbeah; ju dunglim sherübo jiyuka lanü arübonü atsühbah. Kheakü wutuang, tümüde nükenü api nahde ashorubah.”