1 TIMOTHI 4:1 - AMÜSÜH HÜM CL Bible (BSI)

¹ Kheakü ashulim kimbo ching mebo mülapyukkhi tüsho amünean yukhümbo anide akin chingnü khürü chamkhide atsobah de Menü thachoh.

1 TIMOTHI 4:1 Iomraidhean Croise

THRÜNTAN 3:13

Atungpuh Thrünpuhnü alibe ki tha, “Tümü thsükhi nünü ha rhimokhea?” Alibenü alo, “Phurutonü I mülapyukjih, tüsho inü tsüh.”

1 KIULONG THSÜRÜ 13:18

Judüki wukihrü awünbuhnü alo, “Nü nangde I she wukihrü ah, tüsho Atungpuh yu hode yunirü khülangnü I ki tha: Api nü lung belobah nü yam ching arang, junangde apinü jim tsühbah tüsho ke yungbah.” Tüshe apinü anihbuh ki akeangyu thade alakheah.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

JEREMIA 23:26

Wukihrübonü arü lümkhi akeangyu müchitkhi akeangyu wukihrü mulong ching külokhüh laba?

JEREMIA 48:47

Judüalalashe inü hashu nimungbo ching Moab kuhi jihlobah, Atungpuhnü thachoh. Ha khiungde Moab kheak mahkhap lah.

JEREMIA 49:39

Tüshe ashulim nimungbo ching inü Elam kuhi jihlobah, Atungpuhnü thachoh.

EZEKIEL 1:3

Kebar Ayung ki Kaldearü lomi ching, Buzi tsührü amükeambuh Ezekiel kilim Atungpuh yu arü; tüsho ju ching Atungpuh khah api kheak lakheah.

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

DANIEL 10:14

tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

WÜHKHE 24:14

Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.”

MATHI 18:7

Mihtsürü neak yihbeakshihbe lakhi dünkheaknü alomiküp are! Hadürü adünjibah, tüshe shepü hode ha akhiukshihbanü are!

LUKNÜ ATHRÜTKHI THIYUSHEAK-ATSÜ HUHTANYU 17:1

Jisunü api jingyanrübo ki tha, “Mihtsürünü neak yihbeakshihpü adünjipü lah, tüshe shepü hode ju dünjishihbanü are!

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

YUNIRÜBO RHIMO 13:2

Arü Atungpuh kingaünde tüsho khümkeakde alachoki, Amüsüh Menü tha, “Inü arhimoshihpü arü jihkhi rhimo thsungkheak Barnaba le Saul büthsüang.”

YUNIRÜBO RHIMO 17:18

Epikur tüsho Stoik lümlung-yimrü khürünü she api shoru. Tüsho khürünü tha, “Mudukmükerünü tümü thacho?” Püpürünü tha, “Apinü khiungkerü thrünpuhbo dünkheak thachoh khunuh.” Arünü ha tha tümütüsho Paulnü Jisu tüsho arhang kamlokhi dünkheak thsangyuthsangra.

YUNIRÜBO RHIMO 20:23

Kiuto aban rihyam ching lapü tüsho küpkhuk shorupü Amüsüh Menü athakhi lang inü mükheahlah.

YUNIRÜBO RHIMO 21:11

Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.”

YUNIRÜBO RHIMO 28:25

Jumonü Paulnü ha thachoki arü bolung marüpachihde chamachih: “Nüsa jipürü ki Isaia wukihrü hode Amüsüh Menü athakhi ju alungki lakheah:

1 KORINT 10:20

Yung, tüshe amükinrünü shuhmülanga kingaünkhi ju arimribo kilim jihchoh tüsho Thrünpuh kilim yung. Inü nüsa ju arimribo lung atruachihrü müthsüshihne.

1 KORINT 11:19

Tümüde nüsa bolung achamnakbo labah, junangde alim larübo mütsanbah.

1 KORINT 12:11

Harü alala Me khülang tüsho rukhüh rhimo ah, tüsho apinü alümkhi yande mihbüm aban kilim jihchoh.

1 KORINT 2:10

Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

YUZÜNGTHALO 32:29

Arü lümlung lakhülaa, arünü ha anikhitbah, arünü adünjipü lakhi mükheahbah!

YUZÜNGTHALO 4:30

Nimung ho dunglim hadürü nüsa kheak arübah nüsa lümthsünüsho, küyimki nüsanü Atungpuh nüsa Thrünpuh kilim rholode api düsheak anibanü,

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

2 TIMOTHI 3:13

mihtsürü amütsü tüsho rükmütsürü a mülapyukde tüsho mülapyukabahde amütsü chingnü amütsübe kambah.

2 TIMOTHI 4:4

thiyuro anipü chingnü rholode atsobah, tüsho mümütsankhi yukhean ching mulong jihbah.

JAKOB 3:15

Hadürü lümlung ju akulimnü arükhi yung; ha alomi yo, me-mülakhi, amünean ah.

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

1 JOHAN 2:18

Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

JUDNÜ ATHRÜTKHI KIHÜM HUHTANYU 1:18

arünü nüsa ki tha, “Akheam kim ching arü nihbuh mükinkhi shihkünkhi yande luhmünerübo labah.”

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 16:14

tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh.

AMIKHEAKAKHIUKKHI 18:2

Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo;

AMIKHEAKAKHIUKKHI 18:23

nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

AMIKHEAKAKHIUKKHI 2:11

Shepü nükhün kihlanü, Menü borübo ki tümü thachonü apinü aniang. Shepü akuk ngüchonü mahne kipü ashepünü mütrünthsü.’

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.

AMIKHEAKAKHIUKKHI 20:8

tüsho alomi thrip phüyi ching lakhi trükshihbo mülapyukpü, Gog tüsho Magog thirithsü bemukhungpü akhiukbah; arü khekhi ju keto loyi nangde lah.

AMIKHEAKAKHIUKKHI 3:13

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 3:22

Shepü nükhün kihlanü, Menü borübo ki tümü thachonü apinü aniang.’ ”

AMIKHEAKAKHIUKKHI 3:6

Shepü nükhün kihlanü, Menü borübo ki tümü thachonü apinü aniang.’

AMIKHEAKAKHIUKKHI 9:20

Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo;