1 TIMOTHI 3:6 - AMÜSÜH HÜM CL Bible (BSI)

⁶ Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah;

1 TIMOTHI 3:6 Iomraidhean Croise

2 KIULONG THSÜRÜ 14:10

Nünü atsütsü Edom kukdo, tüsho nü kükheangde lah. Nü mungshikhi ching reangkeamang, tüsho thüyam ching laang; nü lung Juda bede akeampü thsüde tümüde nünü küpkhukpü asahcho?”

2 KIUTHSÜYUKHEAN 26:16

Tüshe küyimki api reangzahde akamkhea, anihbuh thsümünimpü api kükheangde kam. Tümüde apinü Atungpuh api Thrünpuh azhihde amülim thsü, tüsho rhümthüneabe kingaün sadam kheak kingaünpü Atungpuh arüngyam ching yüzah.

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

MÜCHITMUDU 18:12

Athsümünimpü müngüh mihtsürü mulong kükheangkhi lah, tüshe wüntrepü müngüh azhihayih lah.

MÜCHITMUDU 29:23

Mihtsürü lülüshishinü nihbuh abobe kamshihchoh, tüshe me ching azhihayihkhinü wüntre ngüchoh.

ISAIA 2:12

Tümüde kükheangküyangrü tüsho changde-alümrü, ashuhkihkhi tüsho achangkhi alala azhihde Wuto Atungpuh nimung khülang lah;

DANIEL 11:12

Apinü akukkhi tüsho apinü bonungrü hihde alaksahkhi dünkheak apinü kükheangbah, tüshe ju ruk langa akuk müngü.

LUKNÜ ATHRÜTKHI THIYUSHEAK-ATSÜ HUHTANYU 10:18

Tüsho apinü arü ki tha, “Thüning chingnü Arimri chinchobe nangde akikhi inü ngüdo.

1 KORINT 3:1

Tüshe keoniorübo, inü nüsa ki me ching azorü mihtsürü ki nangde yung, tüshe alomi mihtsürü, Khrista ching khungarü ki nangde asukdo.

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.

YUZÜNGTHALO 17:20

Junangde apinü nihbuh keoniorü kheaknü api atsübe ah de mülüm, tüsho thiyukhüm chingnü tsülim yungsho huzulim manguh tüsho Israelrü bolung api kiulongthsü ching api tüsho tsühsoniusobonü lün ahihdo yakzan shuhbah.

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.

1 TIMOTHI 3:7

api ju aleangkheakrünü tsülah dükhi labeah, jude yungsho api mungchih tüsho amünean zheang ching keamyukbah.

1 TIMOTHI 6:4

api kükheanglah tüsho tümü mümükheah; api a alanaji lümkhi amütsü tüsho atsangachihpü künkhi lah, junü mükthsü, marüpachih, dünthamungtha, mulong rüngkhi,

2 TIMOTHI 3:4

rükmütsü, adüngakhi mülakhi, shilode alümrü, Thrünpuh muzhorü yungde shihkünkhi muzhorü,

1 PETER 2:2

Aso zübekhi khungarübo nangde, me niuhke müthsün yungang, junü nüsa akhümkhit ching zokihbah;

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;