1 TIMOTHI 3:16 - AMÜSÜH HÜM CL Bible (BSI)

¹⁶ Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

1 TIMOTHI 3:16 Iomraidhean Croise

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MATHI 28:2

Tüsho kheahang, muliuyuk ato khülang lakheah; tümüde Atungpuh yunirü yinmi chingnü aki tüsho lung ju lah-a bahbah ju kheak bin.

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

MATHI 4:11

Judüki arimrinü api bahbah tso, tüsho yunirübo arübah api rung.

MARK 1:13

Tüsho api Arimrinü rükakide sunglo ching nimung yirü la, tüsho mütüm shiwüh bolung lakheah; tüshe yunirübonü arübah api rung.

MARK 16:19

Atungpuhnü arü ki asukachih dunglim, api yinmi ching yükih, tüsho Thrünpuh khah tsülim bin,

MARK 16:5

Kiuyuk ching yüzahchoki, athrününgtsüng mihtsürü khülang shulünkhim amüye yihbah tsülim binde arünü ngü; tüsho arübo arhunganim.

LUKNÜ ATHRÜTKHI THIYUSHEAK-ATSÜ HUHTANYU 2:32

khiungkerü ki akhiuka huhpü ayin khülang, tüsho nü mihtsürü Israel müretah thsungkheak.”

LUKNÜ ATHRÜTKHI THIYUSHEAK-ATSÜ HUHTANYU 20:44

Jumonü Davidnü api ki ‘Atungpuh’ de ji; dale küde thsah api ju atsührü thsüpü?”

LUKNÜ ATHRÜTKHI THIYUSHEAK-ATSÜ HUHTANYU 22:43

Judüki yinmi chingnü yunirü khülang api ki akhiukbah anihbuh reangzahshih.

LUKNÜ ATHRÜTKHI THIYUSHEAK-ATSÜ HUHTANYU 24:4

Tüsho arü khide lümshangmangde alachoki, azhingzhing khimmih yihbah mihtsürü mahne arü miki zhip.

LUKNÜ ATHRÜTKHI THIYUSHEAK-ATSÜ HUHTANYU 24:51

Küyimki apinü arü müngühjihkhea, arü kinü api chamachih tüsho yinmi lim bede yükih.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 16:28

Abuh kilimnü I alomi ching arükheah. Kheaküshe, inü alomi zojihbah Abuh kilim yülobah.”

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 20:12

Tüsho alibenü yunirü mahne khim amüye yihbah Jisu mi yappung khülang akulim tüsho püpü ju ajing lim binde ngü.

JOHAN 6:62

Dale tüsho Mihtsürü Tsührü akhuhlim api lapung yükihde nüsanü ngükhülaa küde?

YUNIRÜBO RHIMO 1:19

Tüsho ju Jirusalem ching larü alalanü mükheahde kam; jumonü arü yutha chingnü ju lu ki Akeldama de ji, amütsan “Thiyih Lu.”)

YUNIRÜBO RHIMO 10:34

Peternü api mün khimshuh tüsho tha: “Tsükjide Thrünpuhnü jakmükheah de inü mütsanlah,

YUNIRÜBO RHIMO 14:27

Küyimki arübo akhiungkhea, arünü borü rukhüh bemukhung tüsho Thrünpuhnü arü ki rhimokhi tüsho apinü khiungkerü kilim akin ripit khimshuhkhi alala kheana huh.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

ROMRÜ KILIM PAULNÜ ATHRÜTKHI KIHÜM HUHTANYU 10:12

Tümüde Jihudarübo le Greekrü dükeak achamnak müla; ju Atungpuh alala Tungpuh tüsho api mung jirü alala kilim api lakhitbo jihchoh.

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

ROMRÜ KILIM PAULNÜ ATHRÜTKHI KIHÜM HUHTANYU 16:25

Isanü Thrünpuh kilim müretah jihanü! Jisu Khrista dünkheak inü nüsa ki thiyusheak atsü thsangyuthsangrakhi tüsho ahokhi lün ashang rama lakhi thiyuro amikheak akhiukkhi yande apinü nüsa akin ching düküngde azhipshihpü kuklah.

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

ROMRÜ KILIM PAULNÜ ATHRÜTKHI KIHÜM HUHTANYU 3:4

Jude yung! Ha thrüta lakhi nangde mihtsürü aban arükchih lalashe Thrünpuh a thiyuro lashang, “Nünü athachoki nü alim huhbah tüsho nü mahkhapchoki akuk ngübah.”

ROMRÜ KILIM PAULNÜ ATHRÜTKHI KIHÜM HUHTANYU 8:3

Tümüde mihnü yiuhyiuhde akamshihkhi hode yakzannü müthsükhukkhi, neak kingaün jihpü neak larü nangde api tsührü thiyide, neak bahyukpü Thrünpuhnü rhimo,

ROMRÜ KILIM PAULNÜ ATHRÜTKHI KIHÜM HUHTANYU 9:5

arü ju Ibri jipürübo kheaknü atrükkhitkhi; tüsho mihtsürü ayannü Khrista ju arü mihtsürü. Alala kurungkheak yakzanshuhrü Thrünpuh lünnü shishang! Amen.

1 KORINT 15:47

Akhuh mihtsürü alomi chingnü, asungthulung mihtsürü ah; mahnepü mihtsürü ju yinmi chingnü ah.

1 KORINT 2:7

Tüshe isanü aramyu tüsho rama lakhi Thrünpuh lümlung, isa müretahpü lünbo müngüh Thrünpuhnü athsakhamkhi isanü tha.

2 KORINT 1:19

Thrünpuh tsührü, Jisu Khrista dünkheak nüsa ki thsangyuthsangrarü Silvana le Timothi tüsho I a “Am” tüsho “Yung” de mülakheah; tüshe api lung kamruhroro “Am” de lah.

GALATIA 2:8

Tümüde Jihudarü kilim athiyikhi-rhimo thsungkheak shepünü Peter hode arhimokheanü, khiungkerü thsungkheak she I hode rhimo.

GALATIA 4:4

Tüshe küyimki kimkhiukkhi arükhea, Thrünpuhnü api tsührü, aliberünü azübekhi, yakzan bukkhüp zübekhi,

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

EFISIA 6:19

I thsungkheak she tamkhüntamnüjang, junangde thiyusheak-atsü mulong tode azhiyukpü I mün khimshuhkhi ching thiyusheak jihbah,

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 1:6

alomi alala ching lakhi nangde, küpü nüsa kilim arükhea, tüsho nüsanü asokhi nimungnü nüsa bolung lakhi tüsho Thrünpuh amüthsüm thiyuro ching zokhi nangde;

KOLOSI 2:2

junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah.

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.

2 TESALONIKA 2:7

Tümüde mümütsankhi mihbukmuyuknü rhimode lah; tüshe shepünü ju thololanü limro chingnü yihkhita mübahyikia adünjipü lakhi ju müdünji.

1 TIMOTHI 3:9

arü ju lümkhi müsühde akin aramyu ramrihrü thsübeah.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 7:7

Tüsho akheambuh ju azopünü müngühjihkhi lümshangmang tümü müla.

IBRI 8:1

Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

1 JOHAN 3:5

Neakbo lude atsopü api amikheak akhiukdo de nüsanü mükheahlah; tüsho api kheak neak tümü müla.

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

AMIKHEAKAKHIUKKHI 17:5

tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.”

AMIKHEAKAKHIUKKHI 17:7

Tüshe yunirünü I ki tha, “Tümüde müyinsahcho? Inü alibe, tüsho anihbe binkhi aku thüne tüsho ajuh thürü kihkhi lümsük nü ki thabah.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,