1 TIMOTHI 2:6 - AMÜSÜH HÜM CL Bible (BSI)

⁶ apinü kim dükdü ching thiyumütsan jihde mihtsürü alala rhokhitpü anihbuh jih.

1 TIMOTHI 2:6 Iomraidhean Croise

JOB HU H T ANYU 33:24

apinü anihbuh ki müthsümde thachoh, “Alokhün ching yüzahpü chingnü api bekhitang; arhokhitpü khülang inü ngüdo;

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

WÜHKHE 7:15

taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MARK 1:15

tüsho tha, “Kim khiungdo, tüsho Thrünpuh kiulongthsü thüninde lah. Mulong müthriang, tüsho thiyusheak-atsü ching kinang.”

MARK 10:45

Tümütüsho Mihtsürü Tsührü she tankihshihpü arükhi yung, tüshe tankihpü tüsho ahihkhüh rhokhitpü api rhangdung jihpü arükheah.”

JOHAN 10:15

I Buhnü I mükheahkhi nangde, inü I Buh mükheahlah; tüsho inü namfimihnubo thsungkheak I rhangdung jihchoh.

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

ROMRÜ KILIM PAULNÜ ATHRÜTKHI KIHÜM HUHTANYU 5:6

Isa yiuhyiuhde alachoki, kim dükdü ching amükinrü thsungkheak Khrista she.

1 KORINT 1:6

Khrista dünkheak thiyusheak nüsa kheak düküngde kamshih,

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 1:4

shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah;

GALATIA 4:4

Tüshe küyimki kimkhiukkhi arükhea, Thrünpuhnü api tsührü, aliberünü azübekhi, yakzan bukkhüp zübekhi,

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 3:5

ju kheakü api amüsüh thsangyuthsangrarübo tüsho wukihrübo ki Menü ahuhkhi nangdüa püpürü lünbo mihtsürü tsührübo ki mümükheahshihde alakheah;

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.

1 TIMOTHI 6:15

tüsho ha kim dükdü ching, müngühmühi tüsho wuto ju lang, kiulongthsürübo kheaknü Kiulongthsürü tüsho atungrübo kheaknü Atungrü,

2 TIMOTHI 1:8

Isa Atungpuh, yungsho api yo aramrü I dünkheak thiyumütsan thsüpü dachih, tüshe Thrünpuh wu ching thiyusheak-atsü thsungkheak thsünüpü ching shihcham luang,

TITA 1:3

tüsho isa khümkhitrü Thrünpuh thiyukhümnü I ki thiyia lakhi api yu thsangyuthsangrakhi hode kim dükdü ching dünjikhinü;

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 9:12

Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah.

1 PETER 2:24

Isanü neak ching shebah thiyuro-lungki ching lapü thsüde apinü anihbuh pang chingnü sangdung kheak isa neakbo han. Api mübo hode nüsa thsüngu.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

1 JOHAN 4:10

Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,