1 TIMOTHI 2:1 - AMÜSÜH HÜM CL Bible (BSI)

¹ Akhuhbe ching inü atuthsukkhi ju mihtsürü alala thsungkheak mushukhi, tamkhüntamnükhi, amushujihkhi, tüsho makshe-jihkhi–

1 TIMOTHI 2:1 Iomraidhean Croise

EZRA 6:10

Jude athsükhinü arünü yinmi Thrünpuh kilim arhümthüneade kingaünshihbah, tüsho Api müngühmühi I tüsho I tsührübo kheak lashihpü tamkhüntamnüshihbah.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

JEREMIA 29:7

Tüshe inü nüsa ramtso yüshihkhi kiuto mungtsü tüsho lalim atsü thsungkheak yimang. Atungpuh ki tamkhüntamnüang, tümütüsho ju lalim tsüsho nüsa she lalim tsübah.

YUNIRÜBO RHIMO 17:30

Mümükheahkhi kimbo Thrünpuhnü amümürang thsüdo, tüshe kheaküa lüpdükhi ching mihtsürü alala ki mulong müthripü thiyukhüm jihdo,

ROMRÜ KILIM PAULNÜ ATHRÜTKHI KIHÜM HUHTANYU 1:8

Akhuhde, Jisu Khrista hode I Thrünpuh kilim inü makshe jihchoh, tümütüsho nüsa akin alomiküp alala ching zhiyukdo.

ROMRÜ KILIM PAULNÜ ATHRÜTKHI KIHÜM HUHTANYU 6:17

Tüshe nüsa khülangki neak azhorü thsübah nüsanü akinkhi thsangyukhi ching mulong shuhmülanga jihde mihyuanide akamkhi Thrünpuh ki makshe jihang,

1 KORINT 15:3

Tümütüsho tümü inü leangkhikheanü akhuhbe adungto thsüde nüsa kilim jihdo, junangde amüsühyu yande isa neakbo dünkheak khrista shekheah,

2 KORINT 8:6

Jumonü apinü tankih-a lakhi nangde, nüsa bolung ha amüthsüm banthsangpü isanü Tita ki tuthsuk.

EFISIA 3:13

Jumonü inü nüsa thsungkheak thsünükhi, nüsa müretah thsungkheak nüsa mulong müninipü inü nüsa ki mushuchoh.

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

FILIPI 1:3

Inü nüsa lümkhitkhi alala ching I Thrünpuh ki makshe jihchoh,

FILIPI 4:6

Tümü thsungkheak she mulong düsansan, tüshe lüpdükhi ching tamkhüntamnüde tüsho makshe jihde amushukhibo Thrünpuh ki mükheahshang.

1 TESALONIKA 3:12

tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang,

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

1 TIMOTHI 2:4

apinü mihtsürü alala khümkhitpü tüsho thiyuro mükheahde kamshihpü mulongde lah.

1 TIMOTHI 5:5

Alibe shepü atsütsü khimoberü la, tüsho langzü lanü, anihbenü Thrünpuh kheak mulonglam zoshang tüsho azhing ayin mutukzhakde mushude tamkhüntamnüshang;

2 TIMOTHI 2:24

Tüsho Atungpuh tankihrünü a murukachihbeah tüshe mihbüm aban ki muzhode, thsangyurü thsüpü thülünde arümkheam,

TITA 2:11

Tümüde mihtsürü alala khümkhitpü thsungkheak Thrünpuh amüthsüm akhiukdo,

TITA 3:2

she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

IBRI 6:11

Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah,

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.