1 TIMOTHI 1:9 - AMÜSÜH HÜM CL Bible (BSI)

⁹ junangde ha anikhitpü ju, yakzan ha alungkirü thsungkheak müthsü tüshe yakzan thsümünimrü le mihyumanirü, amükinrü le aneakrü, mümüsühkhi le amüneankhi, berübuhrü laksahrü, mihkhukrü,

1 TIMOTHI 1:9 Iomraidhean Croise

2 SAMUEL 16:11

Davidnü Abishai tüsho api yamlarübo alala ki tha, “I tsührünü I rhangdung yimchoh; ha Benjaminrünü a küdükhüh she alaba! Alangzü zojang, tüsho apinü athrushang; tümüde Atungpuhnü api ki thakheah.

2 KIULONG THSÜRÜ 19:37

Api nihbuh thrünpuh Nisrok yam ching kingaünde alachoki, atsührübo Adrammelek tüsho Sharezernü nukshangnü api laksah, tüsho ane Ararat lomi ching tsode yü. Api tsührü Esarhaddonnü api müthri.

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

ABEKHIT 20:13

“Nünü dülaksah.

ABEKHIT 21:14

Tüshe mihtsürü khülangnü lümkhi thsübah akhekhungnü khürü laksahsho, I kingaün sadam kheaknü bede tsoang tüsho laksahang.

MÜCHITMUDU 20:20

Shepünü abuh yungsho abe athrubanü kheahde amitingkhi ching api tsünpung mütabahbah.

MÜCHITMUDU 28:17

Mihtsürü shepü thiyih bukkhi amülim lanü ashekhün ching shande ayübah; shenü she api dürungshih.

MÜCHITMUDU 28:24

Shepünü nihbuh abuh yungsho abe jangkhijangracho, tüsho “Ha amülim yung” de thacho, api ju athsümünimrü atruachihrü ah.

MÜCHITMUDU 30:11

Mihtsürü khürü arü buhrü athruajirü tüsho arü berü mümüngühjihrü lah.

MÜCHITMUDU 30:17

Shepünü nihbuh abuh luhmünechonü yungsho shina lachoki abe mükhemükimbanü müleangtopübo yungsho khüyakbonü api mükjibo mukiukhita tsühabahbah.

JEREMIA 23:11

Wukihrü tüsho amükeamrü chido Thrünpuh manikhit; I yam ching she inü arü mihbukmuyuk ngüdo, Atungpuhnü thachoh.

EZEKIEL 21:25

O amüneankhi tüsho mihbukmuyuk Israel yakzanshuhrü, shepü nimung arüa la, shepü thsümüchi kim akheam khiunga la,

LEVI 20:9

Shepünü buhrü yungsho berü athruajibanü dükde asheshihbah. Apinü abuh yungsho abe athruajimonü, api thiyih api kheak kihbah.

MATHI 10:21

Kheakü keoniorünü keoniorü tüsho buhrünü tsührü ashepü ching jihbah; tsührübonü berübuhrü azhihde wusubah tüsho arü asheshihbah.

ROMRÜ KILIM PAULNÜ ATHRÜTKHI KIHÜM HUHTANYU 1:30

dünthamungtha, Thrünpuh thraneanrü, mükmürüm, lungkhangkhi, kükheangkhi, amütsü rhimo, berübuhrü ki mihyumanikhi,

ROMRÜ KILIM PAULNÜ ATHRÜTKHI KIHÜM HUHTANYU 4:13

Abraham tüsho api tsühsoniusobo ki alomi yamrüplurüp arünü alubah de alokhikhi ju yakzan hode yung tüshe akin thiyuro-lungki hode arü.

ROMRÜ KILIM PAULNÜ ATHRÜTKHI KIHÜM HUHTANYU 5:20

Alakmihkhi alü kamshihpü yakzan arü, tüshe küching neak alü kamchonü mihmüthsüm alü kamchoh,

ROMRÜ KILIM PAULNÜ ATHRÜTKHI KIHÜM HUHTANYU 6:14

Tümüde neaknü nü kurungkheak yakzan mushuh, tümütüsho nü yakzan khüp müla tüshe mihmüthsüm khüp lah.

GALATIA 3:19

Dale tüsho yakzan dungtokhi ju tümü a? Alokhia lakhi müjih marüyi khiungde alakmihkhibo dünkheaknü ha yukajakkheah; tüsho yakzan ju limburü hode yunirünü jih.

GALATIA 5:18

Tüshe Menü nü besho nü ju yakzan khüp müla.

GALATIA 5:21

lungkhangkhi, müshangmuru, amakham adanasün, tüsho judürü püpübo. Shepünü hadürü rhimochonü Thrünpuh kiulongthsü yamrüplurüp mulu de püpüki nangde inü nüsa ki thachoh.

GALATIA 5:23

azhihayih, nihbuh danyukkhi; hadürü azhihdüa yakzan müla.

YUZÜNGTHALO 27:16

“‘Shepünü abuh yungsho abe ki mihyumaninü api muthrumünean thsang.’ Tüsho mihtsürü alalanü athabah, “Amen!”

2 TESALONIKA 2:8

Judüki mihbukmuyuk ju amikheak akhiukbah, tüshe küyimki Atungpuh Jisu arübanü, api mün sheaknü anihbuh laksahbah tüsho api müretahde arükhinü anihbuh dükheakshihbah.

1 TIMOTHI 4:7

Amükinrü tüsho khakhih yukheanbo chingnü chamkhiang; akin lim nü küdah thsüde mürangang;

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

2 TIMOTHI 2:16

Amükinrü yu thakhibo bahkhiang, tümüde junü mihtsürübo alü amükinrü yakli lim bebah,

2 TIMOTHI 3:2

Tümüde mihtsürübo ju nihbuh muzhorü, sho muzhorü, akükheang, bukakhiuk, lülüshishi, bebuhrü ki mihyumanikhi, makshemüjihkhi, mümüsühkhi,

TITA 1:10

Tümüde ahihkhüh mihyumanikhi mihtsürü, akeangkeang asukrü tüsho mülapmüjirü, adungto thsüde tsütabahrü bolungnü lah;

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

TITA 1:6

Mihtsürü khülang ju areak mükihkhi, niuberü khülang lang alakhi, api tsührübo ju akinrü tüsho bukmüke le mihyumanikhi mülabeah.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

IBRI 11:31

Akin hode müzammürambe Rahab mihyumanirü lung müdükheakshih, tümütüsho alibenü zütakheahrübo asühde beyuk.

IBRI 12:16

Sheshe müzammüram mülapü yungsho jim phuru khülang dün nihbuh adüjirü alim yinabahkhi amükinrü Esau nangde mülapü kurhangang.

1 PETER 2:7

Jumonü nüsa akinrübo ki api ju shoto ah, tüshe amükinrü thsungkheak, “Thüyam-thsürünü abahyukkhi lung thsü amühit-lung adungtobe kamdo,”

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

1 PETER 4:18

Amüsühyunü thachoh, “Thiyuro-lungki mihtsürü she arothsünnü khümkhitsho, amükinrü tüsho aneakrü a tümü kamba?”

JUDNÜ ATHRÜTKHI KIHÜM HUHTANYU 1:15

alala kheak mahkhappü, mükinde arhimokhibo dünkheak arü alala tüsho amükinrü aneakrübonü api azhihde amütsü yubo thakhi bahyukpü!”

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.