1 TIMOTHI 1:5 - AMÜSÜH HÜM CL Bible (BSI)

⁵ Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

1 TIMOTHI 1:5 Iomraidhean Croise

MUNGSHIKHÜN 24:4

Shepü khahbo tüsho mulong amüsüh la, shepünü sangthsübo mükingaüncho tüsho akeangyu thiyuchihchim müthsücho.

MUNGSHIKHÜN 51:10

O Thrünpuh, I kheak mulong amüsüh khülang thrünjang, tüsho I kheak thiyuro me aso kamshang.

JEREMIA 4:14

O Jirusalem, mihbukmuyuk chingnü mulong müsühang, junangde nü khümkhitbah. Nü lümkhi amütsü külokhüh nü kheak laba?

ZEPHANIA 3:7

Inü tha, “Tsükjide kiutonü I trebah, hanü athsülangkhi lubah; inü arü ki thsangyukhi yumük küyimkishe mümih.” Tüshe arü rhimobo thsümünimpü arünü alü künde kam.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

MATHI 5:8

Mulong müsühde alarübo asühpü, tümüde arünü Thrünpuh ngübah.

YUNIRÜBO RHIMO 15:9

tüsho apinü isa le arü dükeak tümü mübüthsüjih, tüshe akinnü arü mulong müsühjih.

YUNIRÜBO RHIMO 23:1

Tüsho Paulnü kiuthsürü kheak kheahmürip tüsho tha, “Keoniorübo, khihni khiungde lümkhi atsü alala ching inü Thrünpuh miki lado.”

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

ROMRÜ KILIM PAULNÜ ATHRÜTKHI KIHÜM HUHTANYU 10:4

Akin larü aban alim mütsanpü thsüde Khrista ju yakzan akheam ah.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 14:15

Nünü atsühkhinü nü keoniorü yurisho, kheaküa nü amuzho ching mütsahchoh. Nünü atsühkhi junü shepü dünkheak Khrista shekheanü api düyurishih.

ROMRÜ KILIM PAULNÜ ATHRÜTKHI KIHÜM HUHTANYU 9:1

Khrista ching inü thiyuro thachoh, inü akeangyu mütha; Amüsüh Me ching I lümkhinü thiyumütsan jihchoh,

1 KORINT 13:1

Inü mihtsürübo tüsho yunirü yuthabo chingnü thatha she, amuzho mülasho I ju yinchi kingkhi yungsho larüp kingachihkhi düsheak khülang ah.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

YUZÜNGTHALO 10:12

“Tüsho kheakü, O Israel, Atungpuh nü Thrünpuhnü nü kheaknü tümü kheangcho, tüshe Atungpuh nü Thrünpuh wüntreang, api limrobo ching tsahpü tüsho api muzhopü Atungpuh nü Thrünpuh nü mulong tüsho nü me athrünkhinü atankihpü,

1 TIMOTHI 1:18

I tsührü Timothi, akhuhlim nü dünkheak müchitkhi yande, jurü hode nünü tsüde keochihpü thsüde ha thsangdan nü kilim jihchoh,

1 TIMOTHI 1:19

akin düküngang tüsho lümkhi müsühde zoang. Mihtsürü khürünü lümkhi bahyukkhinü arü akin thsümünimdo.

1 TIMOTHI 3:9

arü ju lümkhi müsühde akin aramyu ramrihrü thsübeah.

2 TIMOTHI 1:3

Küyimki inü I tamkhüntamnü ching azhing ayin nü lümkhitbanü, I buh pürünü arhimokhi nangde I lümkhi amüsühnü atankihkhi Thrünpuh ki inü makshe jihchoh.

2 TIMOTHI 1:5

Nü ji Lois tüsho nü be Euni büne akin nangde nü akin düküngde alakhi inü lümkhitchoh, tüsho kheakü nü kheak lah de inü kinlah.

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.

TITA 1:15

Atsangkhitkhi ching alala tsangkhitlah, tüshe athsümünim tüsho mükinkhi ching tümü she atsangkhitkhi müla; arü lümkhi tüsho sulümbo athsümünim lah.

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

IBRI 13:18

Isa thsungkheak tamkhüntamnüjang, tümüde lüpdükhi ching wüntre lade arhimopü mulongde isa lümkhi müsühlah de isanü mütsanlah.

IBRI 9:14

lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 1:7

tüsho akinkhi ching keoniorü lümrhihkhi, tüsho keoniorü lümrhihkhi ching amuzho.

1 JOHAN 3:10

Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.