1 TIMOTHI 1:18 - AMÜSÜH HÜM CL Bible (BSI)

¹⁸ I tsührü Timothi, akhuhlim nü dünkheak müchitkhi yande, jurü hode nünü tsüde keochihpü thsüde ha thsangdan nü kilim jihchoh,

1 TIMOTHI 1:18 Iomraidhean Croise

YUNIRÜBO RHIMO 16:1

Paulnü Derbe ching yü tüsho Khristanrü Timothi lapung Lystra ching arü. Abe ju Jihuda liberü akinrü tüsho abuh a Greekrü lakheah.

1 KORINT 4:17

Jumonü inü nüsa kilim Atungpuh ki thiyuro lakhi, inü muzhokhi I tsührü Timothi nüsa kilim thiyichoh. Alala ching borü aban inü thsangyukhi ayede, Jisu Khrista ching I limro apinü nüsa ki lümkhitloshihbah,

1 KORINT 9:7

Shepünü nihbuh küdahnü bahzübahdode bonungrü rhimo thsücho? Shepünü aso asokhi mütsühde kurungasolu thsücho? Shepünü niuhke müyungde mihnu boto neakcho?

FILIPI 2:22

Tüshe künangde tsührü thsüde buhrü ki thiyusheakatsü ching I tankihkheanü Timothi thülünkhi nüsanü mükheahlah.

1 TIMOTHI 1:2

Akin ching thiyuro I tsührü Timothi kilim: Abuh Thrünpuh tüsho isa khümkhitbuh Jisu Khristanü mihmuzho, mihmüthsüm tüsho mungtsü jihshang.

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

1 TIMOTHI 4:14

Azothsürübonü nü kheak arü khah nimde müchityu thachoki nü kilim jihkhi thsambah dübahyuk.

1 TIMOTHI 4:4

Tümüde Thrünpuhnü athrünkhi lüpdükhi atsü lah, tüsho makshe jihde leangkhisho tümü she abahyukbe müla;

1 TIMOTHI 6:20

O Timothi, inü nü ki tümü thiyidünü kümkangang. Amükinrü yu tüsho arükchihnü “Mükheahmudu” de ajikhi atsangachihkhibo bahkhiang,

2 TIMOTHI 1:2

Inü muzhokhi I tsührü Timothi kilim: Abuh Thrünpuh tüsho isa Atungpuh Jisu Khrista kilimnü amüthsüm, mihmuzho tüsho mungtsü lashang.

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.

TITA 1:4

Rukhüh akin ching thiyuro I tsührü, Tita kilim: Abuh Thrünpuh tüsho isa khümkhitrü Jisu Khrista kilimnü amüthsüm tüsho mungtsü laang.

PHILEMON 1:10

I rihyam ching lachoki I tsührü kamkhi Onesima dünkheak inü nü ki mushuchoh.