1 TIMOTHI 1:12 - AMÜSÜH HÜM CL Bible (BSI)

¹² Ha thsungkheak I kilim sühmüh jihbuh isa Atungpuh Jisu Khrista kilim inü makshe jihchoh, tümütüsho ha tankihpü ching I yüzahshihde apinü I thiyuro lakhi khejih.

1 TIMOTHI 1:12 Iomraidhean Croise

MATHI 20:4

tüsho arü ki tha, ‘Nüsa she kurungasolu ching yüang, tüsho tümü dünbanü inü nüsa kilim jihbah.’ Tüsho arünü yü.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

YUNIRÜBO RHIMO 16:15

Tüsho küyimki alibe ju yamkhün bede baptikheanü isa jide tha, “Nüsanü I Atungpuh ki thiyuro lakhi khejihsho, I yam ching arübah binang.” Tüsho alibenü isa ki reangkihde ji.

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

YUNIRÜBO RHIMO 9:22

Tüshe Saul sühmüh alü düküngde kam, tüsho Jisu ju Khrista de mütsanjihkhinü Damaska ching lakhi Jihudarübo yingyingde kamshih.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

1 KORINT 3:5

Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

1 KORINT 7:25

Kheakü yamkhün mükamrü dünkheak Atungpuh yukhüm müla, tüshe Atungpuh mihmüthsüm mulonglam hode I lümkhi jihchoh.

2 KORINT 4:1

Jumonü Thrünpuh mihmüthsüm hode ha tankihpü lakhinü, isa mulong müninichoh.

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

FILIPI 2:11

tüsho Abuh Thrünpuh müretahpü Jisu Khrista ju Atungpuh de thiyutha alalanü alokhibah.

FILIPI 4:13

I sühmüh jihbuh hode inü lüpdükhi thsükhuklah.

KOLOSI 1:25

Tüsho nüsa tsüpü thsungkheak ha rhimo I kilim jihbuh Thrünpuhnü I borü tankihrü kamshih. Ha suhdahde api yusheak zhiyukpü rhimo,

1 TIMOTHI 1:1

Isa khümkhitbuh Thrünpuh tüsho isa mulonglam Jisu Khrista yukhüm hode Jisu Khrista amüsühthsangyurü Paul kilimnü,

1 TIMOTHI 1:11

Haju I ki thiyikhi müngühmühi Thrünpuh müretahkhi thiyusheakatsü yande lah.

1 TIMOTHI 1:2

Akin ching thiyuro I tsührü Timothi kilim: Abuh Thrünpuh tüsho isa khümkhitbuh Jisu Khristanü mihmuzho, mihmüthsüm tüsho mungtsü jihshang.

1 TIMOTHI 6:13

Alala kilim rhangdung jihbuh Thrünpuh tüsho Pontia Pilat miki thiyumütsan tsüde alokhikhi Jisu Khrista mikinü,

2 TIMOTHI 2:2

tüsho thiyumütsan ahihdo mikinü nünü I kheaknü tümü sodünü püpürü ki thsangyukhukpü thiyuro lakhi mihtsürübo ki thiyiang.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

TITA 1:4

Rukhüh akin ching thiyuro I tsührü, Tita kilim: Abuh Thrünpuh tüsho isa khümkhitrü Jisu Khrista kilimnü amüthsüm tüsho mungtsü laang.

PHILEMON 1:9

amuzho chingnü inü nü ki mushuchoh. I Paul, Jisu Khrista limburü tüsho kheakü aramrü–