1 TESALONIKA 5:6 - AMÜSÜH HÜM CL Bible (BSI)

⁶ Jumonü püpürü nangde isanü müyapnü tüshe isanü kurhanganü tüsho rhüngrhüngde danyukanü.

1 TESALONIKA 5:6 Iomraidhean Croise

MÜCHITMUDU 19:15

Yomuhyothsünkhinü yapnekudopü hande arüchoh, tüsho yiuhyiuhrara mihtsürü a khümde lachoh.

ISAIA 56:10

Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh.

JONA 1:6

Wühkenobuhnü arü tüsho api ki tha, “Tümü thsüde nü a yapshea la le? Asürang, nü thrünpuh ki jiang! Khükia thrünpuhnü isa thsungkheak lümrhihbah, junangde isa müdükheak.”

MATHI 13:25

Tüshe küyimki mihtsürübo yapabahkheanü, api riri arübah hi bolung muthsuaberim hiuyuk tüsho tsoabah.

MATHI 24:42

Jumonü kurhangde lang, tümütüsho nüsa Atungpuh arüpü kim nüsanü mümükheah.

MATHI 25:13

Jumonü kurhangang, tümüde Mihtsürü Tsührü arüpü nimung yungsho kim nüsanü mümükheah.

MATHI 25:5

Tüshe küyimki yamkhün-kamrü ruhde alakhea, arü alala ane tüsho yapshede yü.

MATHI 26:38

Apinü arü ki tha, “I me ashepü thsüde mulong rozhaklah. Nüsa ha kheak I kheahde aleangang.

MARK 13:37

Inü tümü nüsa ki thachonü, mihbüm aban ki thachoh: ‘Kurhangang!’ ”

LUKNÜ ATHRÜTKHI THIYUSHEAK-ATSÜ HUHTANYU 12:37

Aputungrü arüde alachoki atünadode alakhi ngürü yamlarübo asühpü. Atsütsü inü nüsa ki thachoh, apinü nihbuh chim rümbah arübo yimtsühpü binshihbah, tüsho arübah arü ahiuhakhipbah.

LUKNÜ ATHRÜTKHI THIYUSHEAK-ATSÜ HUHTANYU 12:39

Tüshe ha mükheahang, thüyam putungrünü ahührü arüpü kim mükheahkhülaa, apinü aheangde alabah tüsho api yam müchakashungshih.

LUKNÜ ATHRÜTKHI THIYUSHEAK-ATSÜ HUHTANYU 21:36

Jumonü kamruhroro kurhangang tüsho tamkhüntamnüang, junangde harü alala dünjichoki nünü atsokhitkhukbah tüsho Mihtsürü Tsührü miki zhipkhukbah.”

LUKNÜ ATHRÜTKHI THIYUSHEAK-ATSÜ HUHTANYU 22:46

Judüki apinü arü ki tha, “Tümüde nüsanü yapcho? Asürang tüsho tamkhüntamnüang, jude yungsho nüsa rükaki ching yüzahbah.”

YUNIRÜBO RHIMO 20:31

Jumonü kurhangang tüsho chike bukde, animung tüsho are kam mahsam nüsa mihbüm aban thsangyukhi lümkhitang.

1 KORINT 15:34

Nü lümkhi alungki ching arang, tüsho neak düyihbeaklo. Tümüde khürü a Thrünpuh mükheahkhi müla. Inü ha nüsa achihbe thachoh.

1 KORINT 16:13

Kurhangang, akin ching düküngde zhipang, mulong toang, reangzahang.

EFISIA 2:3

harü bolung isa alalanü khülangki pang tüsho lümkhinü alunekhi yande shihkünkhi ching la, tüsho isa susunü püpürü mihtsürübo nangde bukakhiukkhi tsührübo lakheah.

EFISIA 5:14

Jumonü ha tha, “O ayaprübo asürang, tüsho ashekhi chingnü asürang, tüsho Khristanü nüsa kilim ayin jihbah.”

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

FILIPI 4:5

Nüsa arümkheamachihkhi alalanü mükheahshang. Atungpuh thüninde lah.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;

1 TESALONIKA 4:13

Keoniorübo, shea larü dünkheak nüsanü mümükheahde mülashihne, yungsho mulonglam mülakhi mihtsürübo nangde mulong murozhakshihne.

1 TESALONIKA 5:10

Isa arhang lalashe yungsho shea lalashe api lung isa rukhüh lapü thsüde isa dünkheaknü api she.

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.

1 TIMOTHI 2:15

Tütüshe anihbenü azhihayihde akin, amuzho, tüsho amüsühkhi ching mutukzhakde lasho tsührü zübekhi hode aliberü ju akhümkhitbah.

1 TIMOTHI 2:9

inü aliberübo she amürühbe kuyü-züt yungsho sunabo yungsho shotolungbo yungsho amo-achak yungde azhihayihde, adüngakhide tüsho akhamkhinü khimmih yihshihnelah,

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

1 TIMOTHI 3:2

Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah,

2 TIMOTHI 4:5

Nünü kamruhroro adüngakhiang, thsümütsü arümang, thsangyuthsangrarü rhimo thsang, nü tankih rhimo akuk ngüang.

TITA 2:12

akin mülakhi tüsho alomi yihnelune bahyukpü tüsho adanyukpü alungki, tüsho ha lomi ching akinrü thsüde alapü,

TITA 2:6

Junangde athunu athrürübo ki she arü nihbuh danyukpü tuthsukang.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 PETER 5:8

Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

AMIKHEAKAKHIUKKHI 3:2

Asürang, tüsho aningkhibo tüsho ashepü thsüde alakhi düküngshang, tümüde I Thrünpuh miki inü nü rhimobo thülünde müngü.