1 TESALONIKA 5:4 - AMÜSÜH HÜM CL Bible (BSI)

⁴ Tüshe keoniorübo, ha nimungnü ahührünü nangde nüsa müyinsahshihpü thsüde nüsa amiting ching müla.

1 TESALONIKA 5:4 Iomraidhean Croise

JEREMIA 42:16

dale nüsanü atrekhi nukshangnü Ijip lomi ching nüsa yanphuhbah; tüsho nüsanü atrekhi khümzungnü Ijip ching nüsa dunglim yankihbah; tüsho ju ching nüsa shebah.

HOSEA 10:9

Gibea nimungbo chingnü nünü neak yihbeakdo, O Israel; ju ching arünü mutuklode la. Gibea ching amütsü-rhimorü thirithsünü akukkhi yung de?

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

MATHI 10:15

Tsükjide inü nüsa ki thachoh, mahkhap nimung Thrünpuhnü ju kiuto kheaknü Sodom tüsho Gomorra mihtsürü ki alü amüthsüm huhbah!

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUZÜNGTHALO 19:6

jude yungsho ashebuh buhtsührünü api bukakhiukkhi hode mihtsürü laksahbuh ju müshamde yübah atholobah, tümütüsho limro shulah, tüsho apinü püpüki mükheahnede mülale ashepü müthülüna lalashe api alaksahbah.

YUZÜNGTHALO 28:15

“Tüshe nüsanü Atungpuh nüsa Thrünpuh düsheak manide, inü khihni nüsa ki thiyukhüm jihkhi api yukhüm tüsho yakzanbo müyansho, harü muthrumünean alala nüsa kheak akihde arheakbah:

YUZÜNGTHALO 28:45

“Nüsa müsheshihyi khiungde harü muthrumüneanbo nüsa kheak arübah tüsho müshamde nüsa yanphuhbah, tümütüsho apinü nüsa ki thiyukhüm jihkhibo rhimopü nüsanü Atungpuh nüsa Thrünpuh ki mihyumani.

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

1 TESALONIKA 5:2

Tümüde Atungpuh nimung ju azhing ching ahührü khülang nangde arübah de nüsanü mükheahlah.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

1 JOHAN 2:8

Tütüshe api tüsho nüsa kheak thiyuro lakhi thiyuzüng aso inü nüsa kilim thrütchoh, tümütüsho amiting hode tsochoh tüsho thiyuro ayin kamruhroro tahde lah.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

AMIKHEAKAKHIUKKHI 3:3

Jumonü nünü tümü leangkhikhea tüsho asokheanü lümkhitang; ju mihyuaniang, tüsho mulong müthriang. Nünü masürüsho, ahührü nangde I arübah, tüsho tümü kim ching I nü kilim arübanü nünü mümükheah.