1 TESALONIKA 5:3 - AMÜSÜH HÜM CL Bible (BSI)

³ Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.

1 TESALONIKA 5:3 Iomraidhean Croise

JOB HU H T ANYU 15:21

Atrebe düsheakbo api nükhün ching lah; tsüde alachoki athsümünimrü api kheak arübah.

JOB HU H T ANYU 24:23

Apinü arü kilim tsokhitpung jihchoh tüsho arü tsunglolah; api mükjibo arü limrobo kheak lah.

MUNGSHIKHÜN 35:8

Tüshe arünü mümükheahyide athsümünimnü arü tholobah; arü nihbuh zheang ching phuhbah tüsho athsümünim ching keamyukbah.

MUNGSHIKHÜN 48:6

Ju ching arü azoberü thsünükhi nangde atrekhinü tholo,

MUNGSHIKHÜN 55:15

Ashepünü arü tholoshang; arübo arhangnü Ashe-lomi ching yüshang, tümüde mihbukmuyuk arü lapungbo tüsho arü bolung ching lah.

MUNGSHIKHÜN 69:22

Arü miki dükhüm ju qimürip kamshang; arü amüsüh aniojikhibo azheang kamshang.

MÜCHITMUDU 29:1

Shepü alochode thsülangjihjih she mulong müküpchonü, müthsüngukhukpü thsüde zukleangnü athsümünimbah.

ISAIA 20:6

Ju nimung ching ha keyean larübonü athabah, ‘ Kheahang, shepü kheak isanü mulonglamkhea tüsho arung thsungkheak yükhea tüsho Asiria kiulongthsüpuh kheaknü khümkhitpü kheak tümü dünjia la! Küde thsah isa tsokhitba?’ ”

ISAIA 29:5

Tüshe nü riri boto ju asungthulung shimshim nangde alabah, tüsho bukmüke yakzanshuhrü boto ju hitsüt phinkhi nangde alabah. Tüsho amülümkhi, zukleangnü,

ISAIA 30:13

jumonü ha amülim nüsa thsungkheak rhü achang kheak atrükhi nangde mükitkhita, tüsho zukleangnü akeampü thsüde arübah;

ISAIA 47:11

Tüshe amütsü rhimo nünü wurüknü müthsükhikhukkhi nü kheak arübah; nünü müyanlokhukde thsümütsü nü kheak keambah; tüsho nünü tümü she mümükheahkhi zukleangnü nü kheak athsümünim arübah.

ISAIA 47:9

Harü chido kim khülang, nimung khülang chingnü nü kheak arübah: nünü wurük ahihdo tüsho müchit-wu ato huhhuh she, tsührü dükheakpü tüsho khimoberü kampü kim dükde ching nü kheak arübah.

ISAIA 56:12

“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”

JEREMIA 13:21

Nünü nü müyamrü thsüpü lümkhi nü kurungkheak lachoki nünü tümü thaba? Azoberü thsünükhi nangde, thsününü nü müramloba de?

JEREMIA 14:19

Nünü shahde Juda bahyukdo de? Nü mulongnü Zion thraneanabahdo de? Isa thsungkheak athsüngu mülapü thsüde tümüde nünü isa shika lungshihkhea? Isanü mungtsü thsungkheak kheahchoh, tüshe atsü müngü; athsüngupü kim kheahchoh tüshe ju müthri atrebe lah.

JEREMIA 22:23

O Lebanon ching larübo, cedarbo ching sap shurübo, nüsa kheak aliberü thsünükhi nangde thsünü arüchoki nüsa küdükhüh amuzhobe laba!

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 6:14

Arünü I mihtsürü mü anükhüh lang ngushihdo, ju ching mungtsü mülalaa, “Mungtsü, mungtsü,” de tha.

JEREMIA 6:24

“ Isanü arü yusheak sodo, isa khahbo keahkhia lah; thsünükhinü aliberü zübechoki thsünükhi nangde isa tholoa lah.

JEREMIA 8:11

Arünü I mihtsürübo mü anükhüh lang thsüngujihde mungtsü mülachoki “Mungtsü, mungtsü,” de tha.

EZEKIEL 13:10

Tümütüsho arünü I mihtsürü bephülapde mungtsü mülachoki, “Mungtsü” de thachoh, tüsho chipi niukniukde athsüchoki arünü ju amüyenü mujudo.

HOSEA 13:13

Khungarü zübekhi thsünü api kheak arüchoh, tüshe api lümlung mülakhi tsührü ah; tümüde kim dükdü ching apinü nuyam mün ki marü.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

MATHI 23:33

Nüsa phurutobo, phuruto tsührübo! Athsümüchi chingnü nüsanü küde thsah atsokhitpü?

JOHAN 16:21

Aliberü küyimki thsünü ching labanü mulong rozhak lachoh tümütüsho anihbe kim arüdo; tüshe alibenü khungarü zübe müleangnü thsünü mülümkhitde kamchoh, tümüde mihtsürü asühkhi alomi ching zübedo.

YUNIRÜBO RHIMO 13:41

‘Kheahang, nüsa luhmünerübo! Müyinsahang tüsho sheang! Tümüde khürünü thanaka huhhuh she nüsanü akin mülapü thsüde inü rhimochoh!’ ”

YUZÜNGTHALO 29:19

tüsho küyimki hadürü mihtsürünü ha muthrumüneankhi sobanü, apinü nihbuh mulong ching müngühmühide athabah, ‘Inü I mulongnü alümkhi ching tsah-a lalashe I mungtsü labah.’ Hanü nüsa atsü tüsho amütsü chido thsümünimbah.

2 TESALONIKA 1:9

Arübo athsümünim tüsho Thrünpuh miki tüsho api wu müretah chingnü chamkhia bahkhi thsünü labah,

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

MAHKHAPRÜ 8:11

Gideonnü Noba tüsho Jogbeha aniakhiuklim loshelo limronü wutu, tüsho bonungrü zündo; tümüde aheangrü mülade alakheah.