1 TESALONIKA 5:2 - AMÜSÜH HÜM CL Bible (BSI)

² Tümüde Atungpuh nimung ju azhing ching ahührü khülang nangde arübah de nüsanü mükheahlah.

1 TESALONIKA 5:2 Iomraidhean Croise

JEREMIA 23:20

Api lümkhi mürhimoyiki tüsho akuk müngüyiki Atungpuh bukakhiukkhi murholo. Püpü nimungbo ching nüsanü mütsande anikhitbah.

MATHI 25:13

Jumonü kurhangang, tümüde Mihtsürü Tsührü arüpü nimung yungsho kim nüsanü mümükheah.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

1 KORINT 1:8

apinü akheam khiungde nüsa kümbah, junangde isa Atungpuh Jisu Khrista nimung ching nüsa amülim mülade alabah.

1 TESALONIKA 5:4

Tüshe keoniorübo, ha nimungnü ahührünü nangde nüsa müyinsahshihpü thsüde nüsa amiting ching müla.

2 TESALONIKA 2:2

müchityu yungsho thiyusheak, yungsho isa kilimnü kihüm thsüa la, Atungpuh nimung arüdo de athakhi hode nüsa nahde mulong dajan yungsho arhungangüm mülabeah.

JIHUSUA 11:7

Jumonü Jihusua tüsho thirithsürübo zukleangnü arübah arübo Merom ke chingnü yanabah.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

AMIKHEAKAKHIUKKHI 16:15

(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”)

AMIKHEAKAKHIUKKHI 3:3

Jumonü nünü tümü leangkhikhea tüsho asokheanü lümkhitang; ju mihyuaniang, tüsho mulong müthriang. Nünü masürüsho, ahührü nangde I arübah, tüsho tümü kim ching I nü kilim arübanü nünü mümükheah.