1 TESALONIKA 5:12 - AMÜSÜH HÜM CL Bible (BSI)

¹² Tüshe keoniorübo, nüsa bolung rhimorü tüsho Atungpuh lung nüsa limbede thsangdanrü ki wüntre jihang de nüsa ki mushuchoh,

1 TESALONIKA 5:12 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 10:7

Tüsho arünü ajihkhi tsühyungde ju yam ching binang, tümüde rhimorü a nihbuh mihkhah dün ngüpü thülünlah. Thüyam khülang chingnü püpü ching düyü.

JOHAN 4:38

Nüsanü mürhimokhi yimlupü inü nüsa thiyido; püpürünü rhimodo, tüsho nüsanü arü rhimobo alü thsükhi yimludo.”

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

ROMRÜ KILIM PAULNÜ ATHRÜTKHI KIHÜM HUHTANYU 16:12

Atungpuh rhimo ching larü Tryphaena tüsho Tryphosa ki salüm jihang, Atungpuh lung mürangde arhimokhi amuzho Persis ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 16:6

Nüsa bolung mürangde arhimobe Mari ki salüm jihang.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

1 KORINT 16:16

harü mihtsürü tüsho rukhüh rhimorü le kimthsürü aban ki akinashu lapü nüsa ki tuthsukchoh.

1 KORINT 16:18

Tümütüsho arünü I tüsho nüsa me reangzahshih. Hadürü mihtsürü mükheahpü athülün lah.

1 KORINT 3:9

Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 5:9

Jumonü isa thüyam ching yungsho chamkhibah lalashe, isanü api asühshihpü mükkheahkih thsüchoh.

2 KORINT 6:1

Rukhüh Thrünpuh tankihrü thsükhinü Thrünpuh amüthsüm akeangkeang ching düleangkhi de isanü nüsa ki tuthsukchoh.

GALATIA 4:11

Nüsa thsungkheak I akeangkeang ching rhimoa lashi de I mulong sansanlah.

FILIPI 2:16

rhangdung yu kheak düngde aramrihbah, junangde Khrista nimung ching I akeangkeang ching malih yungsho akeangkeang ching mükhisah de inü akükheangbah.

FILIPI 2:19

Inü nüsa kilim nahde Timothi thiyipü Atungpuh Jisu kheak mulonglam lah, junangde nüsa yusheaknü I reangzahbah.

KOLOSI 1:29

Khristanü ajihkhi sühmüh tüsho I kheak rhimode alakhinü inü ha rhimochoh tüsho mürangchoh.

1 TESALONIKA 2:9

Keoniorübo, isa rhimokhi tüsho khisahkhi nüsanü lümkhitchoh; isanü nüsa ki Thrünpuh thiyusheakatsü thsangyuthsangrade lachoki, nüsa ki hahmülang müjihpü thsüde isanü azhing ayin rhimodo.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

1 TIMOTHI 5:1

Azobuhrü mihtsürü düthürüh, tüshe buhrü nangde nünü api ki tuthsukang; akheamrü mihtsürübo ki niurübo nangde,

1 TIMOTHI 5:20

Sherünü neak yihbeakchonü boto mikinü thürühang, junangde aninga larübonü atrekhi ching zhipbah.

2 TIMOTHI 2:6

Mürangde awochakrü thulu thsürünü hi akhuhbe shihcham lubeah.

TITA 1:3

tüsho isa khümkhitrü Thrünpuh thiyukhümnü I ki thiyia lakhi api yu thsangyuthsangrakhi hode kim dükdü ching dünjikhinü;

TITA 1:5

Ha dünkheaknü inü nü ki Krete ching lashihkheah, junangde dükde mülakhi nünü thsülangbah, tüsho inü nü ki khuhlangahuhkhi nangde kiuto aban ching limberübo mokhitbah.

TITA 2:15

Harübo khipkhitang; thiyukhümsühmüh alalanü tuthsukang tüsho thürühang. Shenü she nü mükhemürang düthsüshih.

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

IBRI 13:7

Nüsa ki Thrünpuh yu tharü nüsa limberübo lümkhitang; arü rhangdung ching akuk ngükhi lümakheahang, tüsho arü akin kheahkhiang.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 2:12

“Tüsho Pergamum ching borü yunirü ki thrütang: ‘Khülim khülim ahüyuk nukshang labuh yubo.

AMIKHEAKAKHIUKKHI 2:18

“Tüsho Thyatira borü ching yunirü kilim thrütang: ‘Amükbo motru nangde, tüsho ajing müwayinchi phezhingzhingkhi nangde alakhi Thrünpuh tsührü yubo.

AMIKHEAKAKHIUKKHI 2:3

Nü arümkheamkhi, I mung dünkheak thsünükhi tüsho nü mükeaksahkhi inü mükheahlah.

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.

AMIKHEAKAKHIUKKHI 3:1

“Tüsho Sardis ching borü yunirü kilim thrütang: ‘Thrünpuh mebo thüne tüsho chining thüne labuh yubo. “ ‘Inü nü rhimobo mükheahlah; nü arhang larü mung lah, tüshe nü a shea lah.

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.