1 TESALONIKA 4:9 - AMÜSÜH HÜM CL Bible (BSI)

⁹ Tüshe keoniorü muzhopü dünkheaknü khürünü nüsa ki thrütpü thsüde yihnüpü müla, tümüde khülangnü khülang muzhoachihpü Thrünpuhnü nüsa ki thsangyudo.

1 TESALONIKA 4:9 Iomraidhean Croise

MUNGSHIKHÜN 133:1

Keoniorü rukhüh arihako ching lachoki küdükhüh atsü tüsho asühachihpü la!

ISAIA 51:13

Nünü nü Thrünrü, thüningbo jashihkhi tüsho alomi khimtanbuh Atungpuh mihdo. Nü mutuklode nimungroro ajunorü bukakhiukkhi hode trechoh, shepü athsümünimpü mükhüma la. Tüshe ajunorü bukakhiukkhi kükheak la?

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

LEVI 19:8

Ha tsührü alala nihbuh zangrü neak hanbah, tümüde arünü Atungpuh kilim amüsüh kukruk mükhemükimdo; tüsho ju mihtsürü ju mihtsürü bolungnü khekhita bahbah.

MATHI 22:39

Tüsho mahnepü ju, ‘Nünü nü yamhingrü ki nihbuh nangde muzhoang.’

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

YUNIRÜBO RHIMO 4:32

Kheakü akinrü borü ju mulong tüsho me khülang lakheah, tüsho shenü she nihbuh kukruk ju api yo ah de mütha, tüshe lüpdükhi rukhüh yo lakheah.

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

2 KORINT 9:1

Kheakü akinrübo rungpü kingaün dünkheak inü nüsa kilim thrütpü yihnüpü müla,

FILIPI 3:15

Isa sherü azorüanü ha lümbeah; tüsho nüsa lümkhi püpü lasho Thrünpuhnü nüsa ki mütsanjihbah.

1 TESALONIKA 5:1

Tüshe keoniorübo, kim tüsho nimung thsungkheaknü nüsa ki thrütpü tümü yihnüpü müla.

IBRI 10:16

“Arübe nimungbo ching inü arü ki tangzüngpü ju ha lah, Atungpuhnü thachoh: Inü arü mulongbo ching I yakzanbo yukjihbah tüsho arü lümkhibo ching thrütbah,”

IBRI 13:1

Keoniorübo khülangnü khülang muzhoachihde laang.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

2 PETER 1:7

tüsho akinkhi ching keoniorü lümrhihkhi, tüsho keoniorü lümrhihkhi ching amuzho.

1 JOHAN 2:10

Shepünü nihbuh keoniorü muzhochonü ayin ching lah, tüsho ju ching jing mükheshihbe müla.

1 JOHAN 3:11

Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah,

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 4:21

Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.