1 TESALONIKA 4:6 - AMÜSÜH HÜM CL Bible (BSI)

⁶ junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

1 TESALONIKA 4:6 Iomraidhean Croise

MUNGSHIKHÜN 140:12

Atungpuhnü thsünürü thsungkheak thsakhamchoh tüsho zhochihrü thsungkheak thiyuro zochoh de inü mükheahlah.

MUNGSHIKHÜN 94:1

O Atungpuh , Thrünpuh shepünü royimcho, O Thrünpuh shepünü royimcho, tah-a yüshang.

ABEKHIT 20:15

“Nünü dahüh.

ABEKHIT 20:17

“Nünü nü yamhingrü yam dülune; nünü nü yamhingrü niuberü, ayamlarü, ayamlaberü, api moshipung, donki yungsho api lakhi tümü dülune.”

MÜCHITMUDU 11:1

Mulungkide akearakhi ju Atungpuh kilim athraneanbe lah, tüshe thiyuronü adünkhi ju api asühpü lah.

MÜCHITMUDU 16:11

Thiyuro adünara tüsho akeara Atungpuh yo; qiuqiu ching adünkhibo alala api rhimo lah.

MÜCHITMUDU 20:14

Athulorünü kamruhroro adün hihlah de dapdaprarachoh, tüshe küyimki api tsokhiabahbanü nihbuh thülihde athulokhi dünkheak kükheangchoh.

MÜCHITMUDU 20:23

Thiyuro mülakhi adünara ju Atungpuh kilim athraneanbe lah, tüsho arükchih akeara ju atsü yung.

MÜCHITMUDU 28:24

Shepünü nihbuh abuh yungsho abe jangkhijangracho, tüsho “Ha amülim yung” de thacho, api ju athsümünimrü atruachihrü ah.

T H S AN GYU T H S AN GR ARÜ 5:8

Nünü lomi khülang ching zhochihrü junokhi tüsho thiyuro le alungki ahorimüchihkhi ngüsho, ju dünkheak dümüyinsah; tümüde atorü achang ju achangbenü kheahde lah, tüsho kheaküshe ane kurungkheak achangbe lah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

JEREMIA 7:6

nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

JEREMIA 9:4

Nü yamhingrübo dünkheak rhüngrhüngang, tüsho nü keoniorü she kheak she akin düla; tümüde nü keoniorü alala mülapmüjirü, tüsho nü yamhingrü abannü achikhirü nangde lah.

EZEKIEL 22:13

Kheahang, nü ahühkhi tüsho alaksahkhi kheak inü I khah adanchoh.

LEVI 19:11

Nüsanü dahüh yungsho rük thsüde dümülapyuk yungsho khülangnü khülang ki akeangyu dütha.

LEVI 19:13

Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo.

LEVI 25:14

Tüsho nüsanü yamhingrü ki alo yinsho yungsho nü yamhingrü kheaknü thulosho, khülangnü khülang dümülapyuk.

LEVI 25:17

Jumonü nüsanü khülangnü khülang kheak dümülapyuk, tüshe nüsanü nüsa Thrünpuh wüntreang, tümüde I Atungpuh nüsa Thrünpuh ah.

MIKA 2:2

Arünü thulubo lunechoh, tüsho jurübo jangkhichoh; thüyambo she lude tsochoh; arünü thüyam putungrü tüsho thüyam, mihtsürü tüsho arü yamrüplurüp junochoh.

ZEPHANIA 3:1

Ayokhe, athsümünimkhi, amüneankhi, junokhi kiuto!

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MARK 10:19

Nünü thiyuzüngbo mükheahlah: Müzammüram düyihbeak, dülaksah, dahüh, arükchih thiyumütsan düthsü, dümülapyuk, nü buh tüsho nü be wüntreang.”

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

LUKNÜ ATHRÜTKHI THIYUSHEAK-ATSÜ HUHTANYU 16:28

tümüde I keoniorü 5 lah, junangde apinü arü ki thiyumütsan thsübah, jude yungsho arü she ha thsümüchi dangpung ching arübah.’

ROMRÜ KILIM PAULNÜ ATHRÜTKHI KIHÜM HUHTANYU 1:18

Tümüde arü amütsü tüsho mihbukmuyuknü thiyuro zhipdokhi mihtsürü alala azhihde Thrünpuh bukakhiukkhi yinmi chingnü amikheak akhiuka lah,

ROMRÜ KILIM PAULNÜ ATHRÜTKHI KIHÜM HUHTANYU 12:19

I müyamrübo, küyimkishe nüsanü rodüyim, tüshe Thrünpuh bukakhiukkhi aleangang; tümüde ha thrüta lah, “Royimpü ju I yo, inü ajihlobah, Atungpuhnü thachoh.”

ROMRÜ KILIM PAULNÜ ATHRÜTKHI KIHÜM HUHTANYU 13:4

tümüde api ju nü tsüpü thsungkheak Thrünpuh yamlarü ah. Tüshe nünü amülim rhimosho, trede laang, tümüde apinü nukshang ju akeangkeang ching mühanchoh; api ju amülim rhimorü kheak bukakhiuk rhimopü Thrünpuh yamlarü ah.

2 KORINT 7:11

Ha Thrünpuh lümkhi yande mulong tukthsükhinü nüsa kheak tümü akhiukshih-a lanü kheahang: azhihayihkhi, nüsa müsühde alapü mulongdakkhi, thiyuro, bukakhiukkhi, lamlamsahdo, künsahde, lümrhihpü, thiyuro rhimo kheahpü thsakham. Hadürü alala ching nüsa müsühde alakhi mütsan.

GALATIA 5:21

lungkhangkhi, müshangmuru, amakham adanasün, tüsho judürü püpübo. Shepünü hadürü rhimochonü Thrünpuh kiulongthsü yamrüplurüp mulu de püpüki nangde inü nüsa ki thachoh.

EFISIA 4:17

Kheaküa khiungkerü amüthülünkhi lümkhi nangde nüsa düla de inü Atungpuh mung chingnü mütsande thachoh;

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

YUZÜNGTHALO 24:7

“Mihtsürü khülang akeoniorü Israelrü tsührü rama lubah atsokhi ngükhitsho, tüsho azhorü nangde api thsümüchisho yungsho yinsho, mihrambuh ju asheshihbah; tüsho nüsanü amütsü mihtsürü nüsa bolungnü yihkhita bahang.

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.

1 TESALONIKA 2:11

tümüde buhrünü tsührübo ki nangde isanü nüsa aban ki thsangdankhi nüsanü mükheahlah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

IBRI 2:6

Tüshe amüsühyu khürü ching thaa lah, “Mihtsürü ju nünü alümrhihpü thsüde, mihtsürü tsührü nünü akümpü thsüde tümü a?

JAKOB 2:6

Tüshe nüsanü zhochihrü mükhemükimdo. Nüsa junokhi ju alarünü yung de, nüsa mahkhappung ching nima yüshihkhi arü yung de?

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.