1 TESALONIKA 4:16 - AMÜSÜH HÜM CL Bible (BSI)

¹⁶ Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

1 TESALONIKA 4:16 Iomraidhean Croise

MUNGSHIKHÜN 47:1

Mihtsürü alala, nüsa khah damang; asühde Atungpuh ki zhiang.

MUNGSHIKHÜN 47:5

Thrünpuh a ahode, Atungpuh a hulipungpung khungde yükihdo.

ABEKHIT 19:16

Asam nipü yapsu müzüng kumung amo akheah kihde tsüngmuk tüsho chinchobe lakheah, tüsho hulipungpung khide achangnü müt, jumonü binkheampung ching mihtsürü alala ajan.

ABEKHIT 20:18

Kheakü mihtsürü alalanü tsüngmuk, chinchobe, hulipungpung düsheak tüsho müzüng kheak mokhühkhi kheahde alakheah. Tüsho küyimki arünü ju ngükheanü, arübo ajan tüsho limshu ching zhip.

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

ZEKARIA 4:7

Nü she a, O müzüng ato? Zerubbabel miki nü adükhün kambah; tüsho nünü amükham-lung yukchoki mihtsürübonü azhibah, ‘ Akhamlah, akhamlah!’ ”

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

WÜHKHE 23:21

Jakob kheak apinü amülim mükheahkhit, yungsho Israel ching mihbukmuyuk müngü, Atungpuh arü Thrünpuh ju arü lung lah, tüsho api ju arü kiulongthsüpuh ah de azhikhi arü bolung lah.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

1 KORINT 15:18

Judüasho sherü Khrista lung shedünü dükheakdo.

1 KORINT 15:20

Tüshe atsütsü asherü she arhang kamlobah dükhi amütsan Khrista ashe chingnü arhang kamlodo.

1 KORINT 15:23

Tüshe mihbüm aban nihbuh kim ching arhang kamloshih: alala kheaknü akhuh Khrista; jushu api arüchoki api yo thsürü labah.

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

1 TESALONIKA 3:11

Kheakü isa Abuh Thrünpuh, tüsho isa Atungpuh Jisu küdah thsüde, nüsa kilim isa limro huhshang;

2 TESALONIKA 1:7

tüsho thsünüde alarü nüsa le isa kilim sühakhim jihbah. Ha yinmi chingnü api yo wulakhi yunirübo lungnü mo trude Atungpuh Jisu amikheak akhiukchoki dünjibah.

2 TESALONIKA 2:1

Keoniorübo, kheakü isa Atungpuh Jisu Khrista arüpü tüsho api shorupü isa mukhungpü dünkheaknü isanü nüsa ki mushuchoh,

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

JUDNÜ ATHRÜTKHI KIHÜM HUHTANYU 1:9

Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.