1 TESALONIKA 3:12 - AMÜSÜH HÜM CL Bible (BSI)

¹² tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang,

1 TESALONIKA 3:12 Iomraidhean Croise

MUNGSHIKHÜN 115:4

Arü sangthsübo ju shotoyinchi tüsho suna, mihtsürü khah rhimo ah.

MATHI 22:39

Tüsho mahnepü ju, ‘Nünü nü yamhingrü ki nihbuh nangde muzhoang.’

MATHI 7:12

Jumonü tümüpürü mihtsürübonü nü ki rhimoshihnelanü, arü ki she rhimoang, tümüde ha yakzan tüsho wukihrübonü thsangyukhibo lah.

LUKNÜ ATHRÜTKHI THIYUSHEAK-ATSÜ HUHTANYU 17:5

Amüsüh-thsangyurübonü Atungpuh ki tha, “Isa akin tode kamshang.”

ROMRÜ KILIM PAULNÜ ATHRÜTKHI KIHÜM HUHTANYU 13:8

Khülangnü khülang ki muzhoachihpü kheak hode she ki she azüng düzo; tümüde shepünü nihbuh yamhingrü muzhochonü yakzan mihyuanido.

2 KORINT 9:10

Shepünü müjih-hiurü kilim müjih tüsho atsühpü yikhap jihchonü nüsa müjih bushihbah tüsho nüsa thiyuro-lungki yimlukhi alü kamshihbah.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

FILIPI 1:9

Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah,

1 TESALONIKA 2:8

Jumonü, nüsa khide amuzhokhinü isanü nüsa ki Thrünpuh thiyusheakatsü lang yung tüshe isa nihbuh rhangdung she ajihpü thsakhambah alakheah, tümütüsho isanü nüsa khide muzhode kam.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

2 PETER 1:7

tüsho akinkhi ching keoniorü lümrhihkhi, tüsho keoniorü lümrhihkhi ching amuzho.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.