1 TESALONIKA 3:11 - AMÜSÜH HÜM CL Bible (BSI)

¹¹ Kheakü isa Abuh Thrünpuh, tüsho isa Atungpuh Jisu küdah thsüde, nüsa kilim isa limro huhshang;

1 TESALONIKA 3:11 Iomraidhean Croise

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MATHI 6:14

“Tümüde nüsanü mihtsürübo neak bahjihsho, yinmi ching nüsa Abuhnü nüsa neak bahjihbah.

MATHI 6:18

junangde nü khümkeak thsükhi mihtsürübo ki yung, tüshe amüngükhi nü Buh ki lang amükheahshihbah; tüsho ramde arhimokhi ngübuh nü Buhnü nü thsambah jihbah.

MATHI 6:26

Thüning wuhnubo kheahang, arünü mümükhean yungsho müyimlu yungsho jakam ching mühanmukhungchoh; tütüshe yinmi ching nüsa Abuhnü arü akamchoh. Arü kheaknü nüsa alü adün lakhi yung de?

MATHI 6:32

Tümüde amükinrübonü harü alala dunglim müshamchoh, tüsho nüsa jurü yihnüpü lah de yinmi ching nüsa Abuhnü mükheahlah.

MATHI 6:4

junangde nünü jihchungkhi ju amümürang thsüde alabah. Judüki nünü ramde arhimokhi ngübuh nü Buhnü nü kilim thsambah jihbah.

MATHI 6:6

Tüshe küyimki nüsanü tamkhüntamnübanü nü yo khiungshak ching yüzahbah khimdopü rihang, tüsho amüngübuh nüsa Abuh ki tamkhüntamnüang. Judüki ramde arhimokhi ngübuh nüsa Abuhnü nüsa thsambah jihbah.

MARK 1:3

Sunglo ching khülangnü azhikhi düsheak: Atungpuh limro thsakhamjang, api tsahpung mukhiungarihdo thsüjang.”

LUKNÜ ATHRÜTKHI THIYUSHEAK-ATSÜ HUHTANYU 12:30

Tümüde alomi trükshihbo alalanü harü yimchoh; tüsho nüsa harü yihnüpü lah de nüsa Abuhnü mükheahlah.

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

ROMRÜ KILIM PAULNÜ ATHRÜTKHI KIHÜM HUHTANYU 1:3

mihtsürü ayannü David müjih chingnü azübekhi, api tsührü isa Atungpuh Jisu Khrista dünkheak,

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

GALATIA 1:4

shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah;

KOLOSI 1:2

Kolosi ching amüsührü tüsho Khrista ching thiyuro larü keoniorübo kilim: Isa Abuh Thrünpuh kilimnü nüsa kilim amüthsüm tüsho mungtsü laang.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

2 TESALONIKA 3:16

Kheakü mungtsü Atungpuhnü kim tüsho limro alala ching nüsa kilim mungtsü jihshang. Atungpuh nüsa alala lung laang.

2 TESALONIKA 3:5

Thrünpuh amuzho tüsho Khrista kheak düküngpü Atungpuhnü nüsa mulongbo khuhlanga huhshang.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;