1 TESALONIKA 3:10 - AMÜSÜH HÜM CL Bible (BSI)

¹⁰ Isanü nüsa shorubah nüsa akin ching musuhdahkhi jihpü azhing ayin isanü khide mushude tamkhüntamnüchoh.

1 TESALONIKA 3:10 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 2:37

tüsho anihbe kam 84 khiungde khimode la. Alibenü küyimkishe arüngyam bahbah mutso tüshe azhing ayin kingaünde, khümkeakde tüsho tamkhüntamnüde alakheah.

YUNIRÜBO RHIMO 26:7

Arünü azhihayihde azhing ayin Thrünpuh tankihde alachoki isa trük thürükheak mahnenü angüpü mulonglamkhi ju ha lah, O kiulongthsüpuh ha mulonglam dünkheak Jihudarünü I müdamchoh.

2 KORINT 1:15

Tümütüsho nüsa alü asühkhi ngüpü thsüde I nüsa kilim akhuhde arüpü mütsande alakheah.

2 KORINT 1:24

Nüsa akin kurungkheak isanü thiyuzüng mahori, tüshe nüsa asühpü thsüde rukhüh rhimorübo ah; tümüde akin hode nüsa düküngde zhiplah.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

2 KORINT 13:9

Küyimki isa reangmüzahba tüsho nüsa reangzahbanü isanü asühchoh, isa tamkhüntamnü ju nüsa alü thsüpü thsungkheak ah.

FILIPI 1:25

Ha lümkihkhinü I aninga labah de inü mükheahlah, tüsho nüsa alü zokihkhi tüsho akin ching asühachihkhi thsungkheaknü nüsa alala lung I mutukzhakde alabah,

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TESALONIKA 3:11

Kheakü isa Abuh Thrünpuh, tüsho isa Atungpuh Jisu küdah thsüde, nüsa kilim isa limro huhshang;

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TIMOTHI 1:3

Küyimki inü I tamkhüntamnü ching azhing ayin nü lümkhitbanü, I buh pürünü arhimokhi nangde I lümkhi amüsühnü atankihkhi Thrünpuh ki inü makshe jihchoh.

PHILEMON 1:22

Kheaküshe, I thsungkheak khiungshak thsakhamang, tümüde nü tamkhüntamnü hode nü kilim arülopü inü mulonglam lah.

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.