1 TESALONIKA 2:5 - AMÜSÜH HÜM CL Bible (BSI)

⁵ Isanü küyimkishe mülapmüji yubo yungsho yihnelunede müram–Thrünpuh thiyumütsan ah;

1 TESALONIKA 2:5 Iomraidhean Croise

JOB HU H T ANYU 16:19

Kheaküshe, dükde, I yumütsan yinmi ching lah, tüsho I dünlim chibuh achang kheak lah.

JOB HU H T ANYU 17:5

Sherünü thsambah thsungkheaknü müyamrübo thsungyukbanü arü tsührübo mük tukabahbah.

MÜCHITMUDU 20:19

Münjipjiprünü aramyu thakhitchoh; jumonü tsaktsakrururü lung datruachih.

MÜCHITMUDU 26:28

Akeangyu mulo junü ayurirü thraneanchoh, tüsho münjipjipkhinü athsümünim rhimochoh.

MÜCHITMUDU 28:23

Mulonü tsanphülapde athakhi kheaknü a shepünü mihtsürü khülang ki thürühchonü ashulim muzhode alümkhi ngübah.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MATHI 22:16

Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

YUNIRÜBO RHIMO 20:33

Inü she yo shotoyinchi, suna yungsho khimmih mümürühde lado.

ROMRÜ KILIM PAULNÜ ATHRÜTKHI KIHÜM HUHTANYU 1:9

Api tsührü thiyusheak-atsü ching I menü atankihkhi Thrünpuh ju I thiyumütsan lah, junangde I tamkhüntamnü ching kamruhroro müdüchingde inü nüsa lümkhitchoh,

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

ROMRÜ KILIM PAULNÜ ATHRÜTKHI KIHÜM HUHTANYU 9:1

Khrista ching inü thiyuro thachoh, inü akeangyu mütha; Amüsüh Me ching I lümkhinü thiyumütsan jihchoh,

2 KORINT 12:17

Inü nüsa kilim thiyirü hode nüsa thsümüchia la de?

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

2 KORINT 7:2

Isa kilim nüsa mulongbo khimshuhang; isanü she ki amülim müthsü, isanü she ki müthsümünim, isanü she ki mülapyukde mürhimo.

GALATIA 1:20

(Inü nüsa ki tümü thrütchonü akeangyu yung de Thrünpuh miki lungdode thachoh.)

1 TESALONIKA 2:10

Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

1 TIMOTHI 3:3

amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

1 TIMOTHI 3:8

Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

JUDNÜ ATHRÜTKHI KIHÜM HUHTANYU 1:11

Arü are! Tümüde arünü Kain limro ching tsahchoh, tüsho Balaamnü alakmihkhi alü thsüpü lim arü küdahnü bahyukchoh, tüsho Kora azhihkhi ching dükheakchoh.