1 TESALONIKA 2:2 - AMÜSÜH HÜM CL Bible (BSI)

² tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.

1 TESALONIKA 2:2 Iomraidhean Croise

YUNIRÜBO RHIMO 14:3

Jumonü ane ki amüyinsahbe tüsho khinthiyinbe rhimopü amüthsüm yusheak adüngakhi jihbuh Atungpuh thsungkheak anenü mulong tode thade kim ashang la.

YUNIRÜBO RHIMO 14:5

Küyimki khiungkerü tüsho Jihudarünü arü yakzanshuhrübo bebah ane thsümüchide lungnü arupü mürangkhea,

YUNIRÜBO RHIMO 16:12

Ju chingnü Macedonia lomi-chamnak yo kiuto ato, Rom kheang de ajikhi Filipi ching yü. Isanü ju kiuto ching nimung anükhüh mung;

YUNIRÜBO RHIMO 16:19

Tüshe küyimki alibe putungrünü arü mulonglam sho-arüpung tsokhi ngükhea, arünü Paul tüsho Sila rambah yinzüyindopung yakzanshuhrübo miki bede yü;

YUNIRÜBO RHIMO 16:37

Tüshe Paulnü arü ki tha, “Isa Rom mihkhung ah, amülim mülade boto mikinü shikbah rihyam ching yukdo; tüsho arünü kheakü ike ramde adükhepü? Yung! Arü arübah ike bekhitshang.”

YUNIRÜBO RHIMO 17:1

Küyimki arünü Amphipoli tüsho Apollonia hokhea, Jihudarü sinagog lapung Tesalonika ching arü.

YUNIRÜBO RHIMO 17:17

Jumonü apinü sinagog ching Jihudarü le kingaünrübo tüsho nimung aban yinzüyindopung ching larü ki atsangachih.

YUNIRÜBO RHIMO 19:8

Apinü sinagog ching yüzah tüsho Thrünpuh kiulongthsü thsungkheak khinu mahsam mulong tode tüsho kukde atsangachih;

YUNIRÜBO RHIMO 4:13

Küyimki arünü Peter le Johan mulong tokhi ngükhea, tüsho ane amümükheahrü, mihtsürü dümung kheahkhitkhea, arünü müyinsah; tüsho ane Jisu lung lade arüa lah de mütsan.

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

2 KORINT 3:12

Tümütüsho isa hadürü mulonglam lakhinü, isa khide mulong tolah.

KOLOSI 2:1

Nüsa tüsho Laodikea ching larü le I miro müngürü alala thsungkheak inü küdükhüh tode mürangchonü nüsanü mükheahshihnelah,

1 TESALONIKA 1:5

isa thiyusheak-atsü ju nüsa kilim thiyu chingnü lang yung, tüshe wu tüsho Amüsüh Me ching, akin mütsande arü. Nüsa thsülimnü isanü nüsa bolung küdürü mihtsürü amütsan thsüde alakheanü nüsanü mükheahlah.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.