1 TESALONIKA 2:16 - AMÜSÜH HÜM CL Bible (BSI)

¹⁶ ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.

1 TESALONIKA 2:16 Iomraidhean Croise

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

DANIEL 8:23

Arü yakzan shuhkhi akheam ching, küyimki athsümünimrü arü mihbukmuyuk thülünde akambanü, jak mitingkhi, rükmütsü kiulongthsürü khülang asürübah.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

MATHI 12:45

Judüki apinü yübah api kheaknü alü mihbukmuyuk mebo püpü thüne anihbuh lung bebah ju ching yüzahchoh tüsho lachoh; tüsho mihtsürü kuhi ju atan kheaknü ashube amütsübe kamchoh. Junangde mihbukmuyuk lün kheak she jude alabah.”

MATHI 23:32

Dale nüsa jipürünü atankihkhi atsamabahang.

MATHI 24:14

Tüsho ha kiulongthsü thiyusheak-atsü alomiküp alala ching thiyumütsan thsüde trükshih alala ki thsangyuthsangrabah, tüsho jushu akheam arübah.

MATHI 24:6

Nüsanü thirithsübo tüsho thirithsü düsheakbo sobah, tüshe nüsanü darhunganim; tümüde harü alala adünjibah, tüshe akheam marüyi.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

YUNIRÜBO RHIMO 13:45

Tüshe küyimki Jihudarünü boto ngükhea, arünü mükthsüde kam tüsho Paulnü athakhi reanglode api azhih.

YUNIRÜBO RHIMO 13:50

Tüshe Jihudarünü kiuto ching adungto mihtsürü tüsho boto ching adungtorü Thrünpuh kingaünrü khiungkerü liberü thurumusu. Arünü Paul le Barnaba büne thsümüchipü tankih tüsho arü lomi chingnü yankhitabah.

YUNIRÜBO RHIMO 14:19

Tüshe Jihudarübo Antiok tüsho Ikonium chingnü ju ching arü; tüsho mihtsürübo münita lubah Paul ju ashepü thsüde lungnü kingbah kiuto chingnü yankhita bah.

YUNIRÜBO RHIMO 14:2

Tüshe amükinrü Jihudarünü khiungkerü thurumusu tüsho keoniorübo azhihde arü lümkhi mülapyukjih.

YUNIRÜBO RHIMO 14:5

Küyimki khiungkerü tüsho Jihudarünü arü yakzanshuhrübo bebah ane thsümüchide lungnü arupü mürangkhea,

YUNIRÜBO RHIMO 17:13

Tüshe küyimki Tesalonika ching lakhi Jihudarünü Berea ching she Paulnü thiyusheak zhiyukdo de asokhea, arünü ju ching she arübah boto azhihde thurumusu.

YUNIRÜBO RHIMO 19:9

tüshe küyimki khürünü mulong müküpde tüsho mükinde amukhungrü miki amütsü limro asukkhea, apinü jingyanrü bea lubah akhin tüsho nimung aban Tyranna khiunglün-yam ching atsangachih.

YUNIRÜBO RHIMO 21:21

tüsho nünü khiungkerü bolung lakhi Jihudarü ki arü tsührü tsütamübahpü yungsho isa yakli yande mülapü thsangyude Mosa bahyukpü thakhi arü ki thiyusheak jihdo.

YUNIRÜBO RHIMO 23:12

Küyimki ayinkhikhea, Jihudarübonü rük yim tüsho Paul mülaksahyikia mütsühyungpü thiyuchihchim thsü.

YUNIRÜBO RHIMO 24:9

Tüsho Jihudarünü she harü thiyuro ah de lümbah amüdamkhi lung berung.

YUNIRÜBO RHIMO 25:2

Amükeam putungrübo tüsho Jihudarü adungto mihtsürübonü Paul azhihde api ki thiyusheak jih; tüsho arünü api ki mushude,

YUNIRÜBO RHIMO 25:7

Tüsho küyimki api arükhea, Jirusalem chingnü arükhi Jihudarünü api mükamdoa zhipbah arünü mümütsankhukkhi ahihdonü Paul azhihde atsang.

YUNIRÜBO RHIMO 4:12

Tüsho püpü tümü ching she akhümkhit müla, tümüde thüning bukkhüp mihtsürü bolung isa khümkhitpü püpü mung jih-a müla.”

YUNIRÜBO RHIMO 9:23

Nimung ahihkhüh ho dunglim, Jihudarübonü api laksahpü rük yim,

1 KORINT 10:33

lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.

GALATIA 5:11

Tüshe keoniorübo, inü judü lang tsütabahpü thsangyuthsangrasho, tümüde kheakü khiungde I thsümüchikhi la? Judeasho inü sangkim dünkheak thsangyuthsangrakhinü küpkhuk tümü makhiukshih.

EFISIA 3:13

Jumonü inü nüsa thsungkheak thsünükhi, nüsa müretah thsungkheak nüsa mulong müninipü inü nüsa ki mushuchoh.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

2 TESALONIKA 2:10

tüsho adükheakpü larü thsungkheak rük amütsü alala labah, tümütüsho arünü thiyuro muzhobah akhümkhitpü lakhi reanglo.

1 TIMOTHI 2:4

apinü mihtsürü alala khümkhitpü tüsho thiyuro mükheahde kamshihpü mulongde lah.

IBRI 6:8

Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.

AMIKHEAKAKHIUKKHI 22:11

Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”