1 TESALONIKA 2:10 - AMÜSÜH HÜM CL Bible (BSI)

¹⁰ Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

1 TESALONIKA 2:10 Iomraidhean Croise

JEREMIA 18:20

Atsü ju amütsünü ashakloba de? Tütüshe arünü I rhangdung thsungkheak alokhün khülang kiudo. Künangde I nü miki zhipkheanü, arü thsungkheak asukpü, arü kheaknü nü bukakhiukkhi rholode atsopü lümkhitjang.

WÜHKHE 16:15

Tüsho Mosanü bukakhiukde Atungpuh ki tha, “ Arübonü kingaünkhi düleangkhi: Inü arü yo donki khülang lang she mulu, yungsho arü shepü kheak she amütsü mürhimo.”

LUKNÜ ATHRÜTKHI THIYUSHEAK-ATSÜ HUHTANYU 23:41

Ike a lungkide thsümüchido, tümüde ikenü arhimokhi dün ike thsambah leangkhichoh; tüshe ha mihtsürünü amülim tümü mürhimo.”

YUNIRÜBO RHIMO 20:18

Küyimki arübo api ki arükheanü apinü arü ki tha: “I Asia ching jing düküyukkhi atan nimungnü nüsanü mükheahlah;

YUNIRÜBO RHIMO 20:26

Jumonü nüsa alala thiyih dünkheak I amütsan müla de khihni inü nüsa ki khipkhitchoh,

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 11:11

Inü nüsa mümuzhomonü ha thacho de? Inü muzholah de Thrünpuhnü mükheahlah!

2 KORINT 11:31

Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

2 KORINT 5:11

Jumonü, Atungpuh trekhi mükheahde isanü mihtsürübo münityukchoh; tüshe isa tümüanü Thrünpuhnü mükheahlah, tüsho nüsa lümkhi ching she ju mükheahlah de inü akin lah.

2 KORINT 7:2

Isa kilim nüsa mulongbo khimshuhang; isanü she ki amülim müthsü, isanü she ki müthsümünim, isanü she ki mülapyukde mürhimo.

1 TESALONIKA 1:5

isa thiyusheak-atsü ju nüsa kilim thiyu chingnü lang yung, tüshe wu tüsho Amüsüh Me ching, akin mütsande arü. Nüsa thsülimnü isanü nüsa bolung küdürü mihtsürü amütsan thsüde alakheanü nüsanü mükheahlah.

1 TESALONIKA 2:5

Isanü küyimkishe mülapmüji yubo yungsho yihnelunede müram–Thrünpuh thiyumütsan ah;

2 TESALONIKA 3:7

Künangde isa kheahkhibanü nüsa küdah thsüde mükheahlah; nüsa lung isa lachoki yomuhde alakhi yung,

1 TIMOTHI 4:12

Nü athunuchoki shenü she mükhemükim düthsüshih, tüshe akinrübo ki thiyu thakhi, rhimokhi, amuzho, akin tüsho atsangkhitkhi ching amütsan laang.

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

1 PETER 5:3

nüsa bukkhüp zojihkhi junode yung, tüshe namfimihnu boto ki amütsan laang.