1 TESALONIKA 1:9 - AMÜSÜH HÜM CL Bible (BSI)

⁹ Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

1 TESALONIKA 1:9 Iomraidhean Croise

MUNGSHIKHÜN 42:2

I menü rhangdung Thrünpuh thsungkheak kethürichoh. Küyimki I Thrünpuh miki yüba?

MUNGSHIKHÜN 84:2

Atungpuh arüngyam thsungkheak I menü künsahde kamchoh; I mulong tüsho I shihnü arhang Thrünpuh thsungkheak zhichoh.

ISAIA 37:17

Nü nükhün muphoang, O Atungpuh , tüsho soang; nü mük khimshuhang, O Atungpuh , tüsho kheahang; Sennakerib yubo alala sojang, küpü apinü arhang Thrünpuh mükhemükimde arüshihkhi la.

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

DANIEL 6:26

I kiulongthsü ching mihtsürü alalanü Daniel Thrünpuh miki ajanbeah tüsho atrebeah de inü thiyuzüng khülang thsüchoh: Tümüde api arhang Thrünpuh ah, lünnü lah. Api kiulongthsü küyimkishe müthsümünim, tüsho api yakzan shuhkhi akheam müla.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 16:16

Simon Peternü alo, “Nü a arhang Thrünpuh tsührü Khrista ah.”

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

ROMRÜ KILIM PAULNÜ ATHRÜTKHI KIHÜM HUHTANYU 9:26

“Tüsho arü ki, ‘Nüsa I mihtsürü yung,’ de thakhi dangpung ching, ‘Arhang Thrünpuh tsührübo,’ de ajibah.”

1 KORINT 12:2

Küyimki nüsa amükinrü lakheanü limro alala ching aduh sangthsübo kilim bephülapkheah de nüsanü mükheahlah.

YUZÜNGTHALO 5:26

Tümüde isa lakhi nangde, mo phulungnü arhang Thrünpuh düsheak sokhi mihtsürü shepü la?

1 TESALONIKA 2:1

Keoniorübo, isanü nüsa rhua kheahkhi akeangkeang yung de nüsanü mükheahlah;

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

1 TIMOTHI 4:10

Isanü mürangde rhimodo, tümütüsho isanü akinrü mihtsürü alala khümkhitrü, arhang Thrünpuh kheak isa mulonglam zo.

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

JIHUSUA 3:10

Jihusuanü tha, Hade athsükhinü nüsanü rhangdung Thrünpuh nüsa lung lah de amükheahbah, apinü nüsa müngühnü Kananrü, Hitrü, Hivrü, Perizrü, Girgashrü, Amorrü tüsho Jebusrü mülakphahde ayankhitbah.

1 JOHAN 5:21

I tsührübo, sangthsübo kheaknü nüsa tsokhide laang.

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”