1 TESALONIKA 1:3 - AMÜSÜH HÜM CL Bible (BSI)

³ nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

1 TESALONIKA 1:3 Iomraidhean Croise

THRÜNTAN 29:20

Jumonü Jakobnü Rachel dünkheak kam thüne tankih, tüshe apinü alibe muzhokhinü jurü nimung anükhüh nangde alakheah.

T H S AN GYU T H S AN GR ARÜ 2:26

Tümüde shepünü api asühshihchonü Thrünpuhnü lümlung, mükheahmudu tüsho asühpü jihchoh; tüshe aneakrü kilim a Thrünpuh asühshihrü kilim jihshihpü lang, apinü hanmukhungpü tüsho wumujungpü rhimo jihchoh. Ha she akeangkeang tüsho apung dunglim müshamkhi khülang ah.

KHÜNBOLUNGKHÜN 8:7

Ke ahihdonü amuzho kethürimürikhuk, düchibonü ju zünde mutsokhuk. Khürünü nihbuh yam lakhit amuzho thsungkheak jihkhülaa, api shahde mükheyukde alabah.

JOHAN 14:15

“Nüsanü I muzhosho, I yuzüngbo zoang.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

ROMRÜ KILIM PAULNÜ ATHRÜTKHI KIHÜM HUHTANYU 12:12

Nüsa mulonglam ching asühachihang, thsümütsü ching arümang, mutukzhakde tamkhüntamnüang.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

ROMRÜ KILIM PAULNÜ ATHRÜTKHI KIHÜM HUHTANYU 16:6

Nüsa bolung mürangde arhimobe Mari ki salüm jihang.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

1 KORINT 13:13

Tüsho kheakü harü mahsam lah: akin, mulonglam tüsho amuzho; tüshe harü bolung atobe ju amuzho.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

GALATIA 1:4

shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah;

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

1 TESALONIKA 3:6

Tüshe kheakü nüsa kilimnü nüsa akin tüsho amuzho yusheak atsü lubah Timothi isa kilim arü tüsho kamruhroro nüsanü isa muzhode lümkhitchoh tüsho isanü nüsa shorupü mulong dukkhi nangde isa shorupü künlah de thiyusheak jihdo.

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.

1 TIMOTHI 2:3

Ha atsü ah, tüsho isa khümkhitrü Thrünpuh miki aleangkhikhukbe lah,

IBRI 10:36

Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah.

IBRI 11:17

Akin hode Abrahamnü api rükakheahchoki Isak jih, tüsho shepünü alokhikhibo leangkhikheanü api tsührü lapkhiung lakhi jihabahpü thsakhambah alakheah,

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

IBRI 4:11

Jumonü isa sheshe ju ruk mihyumanikhinü mülakphahpü thsüde ju sühakhim ching yüzahpü isanü müranganü.

IBRI 6:15

Hanangde arümde aleang dunglim alokhikhi ju Abrahamnü leangkhi.

1 PETER 3:4

tüshe müdükheakbe mürelung azhihayih bede rama lakhi mihtsürü mulong tüsho Thrünpuh miki shoto, zhikde alakhi me lashang.

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.

1 JOHAN 3:21

Amuzho müyamrübo, isa mulongnü isa mübahyuksho, Thrünpuh miki isa mulongram lah;

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.

1 JOHAN 5:3

Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung.

AMIKHEAKAKHIUKKHI 2:19

“ ‘Inü nü rhimobo, nü amuzho tüsho akin, tankihkhi tüsho arümkheamkhi mükheahlah, tüsho nü rhimo ashubenü akhuhbe kiholah.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.