1 TESALONIKA 1:10 - AMÜSÜH HÜM CL Bible (BSI)

¹⁰ tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

1 TESALONIKA 1:10 Iomraidhean Croise

THRÜNTAN 49:18

Inü nü akhümkhit aleanglah, O Atungpuh . @SPACE=

MATHI 1:21

Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 16:28

Tsükjide inü nüsa ki thachoh, Mihtsürü Tsührü api kiulongthsü ching marüyi khiungde ha ching zhiprü khürü a müshede alabah.”

MATHI 3:7

Tüshe küyimki apinü Pharisirü tüsho Sadukirü ahihdo baptipü arükhi ngükhea, apinü arü ki tha, “Phuruto tsührübo! Shepünü nüsa bukakhiuk arüpü lakhi chingnü thaa tsoshihkhea?

LUKNÜ ATHRÜTKHI THIYUSHEAK-ATSÜ HUHTANYU 2:25

Judüki Jirusalem ching mihtsürü khülang amung Simeon lakheah, tüsho ha mihtsürü thiyuro-lungki tüsho shuhmülanga jihrü Israel khümkhitkhi kheahde, tüsho api kheak Amüsüh Me lakheah.

LUKNÜ ATHRÜTKHI THIYUSHEAK-ATSÜ HUHTANYU 3:7

Johannü apinü baptishihpü arürü botobo ki tha, “Nüsa phuruto tsührübo! Bukakhiuk arüpü lakhi chingnü shepünü nüsa müzüna tsoshihkhea?

YUNIRÜBO RHIMO 1:11

tüsho tha, “Galilee mihtsürübo, tümüde nüsanü thüning lim kheahde zhipla? Shepü nüsa mikinü thüning lim bekihkheanü, nüsanü Jisu yinmi ching yüde angükhi nangde, api junangde arübah.”

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

YUNIRÜBO RHIMO 2:24

Tüshe Thrünpuhnü ashe thsünü dükheakshihde api arhang kamshih, tümütüsho ashenü api tholopü mukukde alakheah.

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 3:21

Thrünpuhnü api yo amüsüh wukihrübo adüso larü hode amükheahshihkhi nangde, alala aso kamlopü kim marüyi khiungde api ju yinmi ching aninga labeah.

YUNIRÜBO RHIMO 4:10

nüsa alala tüsho Israel mihtsürü alalanü, nüsanü yümkihbah Thrünpuhnü ashe chingnü arhang kamloshihkhi Nazarethrü Jisu Khrista mung chingnü ha mihtsürü tsüde zhiplah de mükheahang.

ROMRÜ KILIM PAULNÜ ATHRÜTKHI KIHÜM HUHTANYU 1:4

amüsühkhitkhi Me ayannü ashe chingnü arhang kamlode, wulade Thrünpuh tsührü de akhipkhitkhi,

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 4:25

Api ju isa neakbo dünkheak ashepü ching jih tüsho isa alim kamshihpü thsungkheak arhang kamloshih.

ROMRÜ KILIM PAULNÜ ATHRÜTKHI KIHÜM HUHTANYU 8:34

shepünü amülim jihba? Juju shebah arhang kamlokhi, Thrünpuh khah tsülim lakhi isa thsungkheak mushujihbuh Jisu khrista a shi?

1 KORINT 1:7

junangde isa Atungpuh Jisu Khrista amikheak akhiukpü nüsanü aleangkhi ching me thsambah tümü ching she nüsa muzholüm;

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

FILIPI 3:20

Tüshe isa mihkhung jua yinmi ching lah, tüsho ju chingnü isanü akhümkhitrü, Atungpuh Jisu Khrista aleangchoh.

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

1 TESALONIKA 1:7

junangde Macedonia tüsho Akaia ching akinrü alala ki nüsa amütsan khülang kam.

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.

1 TESALONIKA 2:7

Tüshe isa ju berünü tsührü kümkhi nangde nüsa lung azhihayihde alakheah.

1 TESALONIKA 5:9

Tümüde Thrünpuhnü isa bukakhiukpü thsungkheak yung, tüshe isa Atungpuh Jisu khrista hode akhümkhit ngüpü mokhit.

2 TIMOTHI 4:1

Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh:

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 10:27

tüshe atrebe mahkhap tüsho thiriribo aniuabahpü motru mükkin thsüpü lang lah.

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

1 PETER 2:21

Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

2 PETER 3:12

Atungpuh nimung nahde arükhi kheahde alabeah. Ju nimungnü mo hode thüningbo athsümünimpü hande arübah tüsho chiningbo atakkhinü aniubah.

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.