1 SAMUEL 9:6 - AMÜSÜH HÜM CL Bible (BSI)

⁶ Tüshe azübuhnü Saul ki tha, “ Ha kiuto ching Thrünpuh mihtsürü khülang lah; api kheak wüntre kihde lachoh. Apinü tümüpürü thabanü kamruhroro dünjichoh. Kheakü ike ju ching yüanü; khükijua ike yüpü limro apinü ahuhbah.”

1 SAMUEL 9:6 Iomraidhean Croise

THRÜNTAN 24:42

“Tüsho ha nimung inü kekhip ki arü tüsho tha, ‘O Atungpuh I putungrü Abraham Thrünpuh, nünü kheakü I yüpü limro ching akuk ngüshihsho,

2 SAMUEL 15:27

Kheaküshe kiulongthsüpuhnü amükeambuh Zadok ki tha, “Nü angürü yung de? Nü le Abiathar, nü tsührü Ahimaaz, tüsho Abiathar tsührü Jonathan mungtsü chingnü kiuto ching alode yüang.

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

2 KIULONG THSÜRÜ 5:8

Tüshe küyimki Israel kiulongthsüpuhnü akhim thorüpkhi Thrünpuh mihtsürü Elishanü asokhea, apinü kiulongthsüpuh kilim thiyusheak yüshih, “Tümüde nünü nü khim thorüpkhea? Api I kilim arüshang, junangde Israel ching wukihrü khülang lah de apinü amükheahbah.”

2 KIULONG THSÜRÜ 6:6

Judüki Thrünpuh mihtsürünü tha, “ Küching yüzah de?” Küyimki apinü anihbuh ki dangpung huhkhea, apinü sangkheam khapshak tüsho ju ching jipa yüzahshih, tüsho yinchi ju phungde akih.

MUNGSHIKHÜN 25:12

Atungpuh trekhi mihtsürü ju shepü a? Anihbuh thsungkheak mokhitkhi limro apinü thsangdanbah.

ISAIA 44:26

shepünü api yamlarü yu mütsanmükhishih, tüsho api yunithsürünü müchitkhi dünjishih; shepünü Jirusalem dünkheak tha, “Ha ching mihtsürü labah,” tüsho Juda kiutobo dünkheak, “Arübo athsülobah, tüsho inü arü athsümünimkhi yihmusubah;”

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

YUZÜNGTHALO 33:1

Ha müngühmühi ha Thrünpuh mihtsürü Mosanü api shepü müngüh Israel tsührübo müngühjihkhi ah.

1 TESALONIKA 2:10

Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

1 TESALONIKA 5:13

tüsho rhimo dünkheaknü amuzho ching khide changde arü ki wüntre jihang. Nüsa bolung mungtsü laang.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

1 SAMUEL 2:27

Thrünpuh mihtsürü khülang Eli kilim arü tüsho api ki tha, “ Hanangde Atungpuhnü thachoh, ‘ Küyimki nü pü Ijip ching Pharao yamkhün bukkhüp azhorü lakheanü inü I amikheak akhiuka huhdo.

1 SAMUEL 9:8

Azübuhnü kheaküshe Saul ki alo, “I khah ching hiki 1 lah; inü ju ike limro thashihpü thsüde Thrünpuh mihtsürü kilim jihbah.”