1 SAMUEL 9:21 - AMÜSÜH HÜM CL Bible (BSI)

²¹ Saulnü alo, “I Israel trük akheamkhibe Benjamin chingnü lang ah, tüsho I yamkhün ju Benjamin trük bolung ching akheamkhibe ah. Dale tümüde nünü I ki ha ruk thacho?”

1 SAMUEL 9:21 Iomraidhean Croise

MUNGSHIKHÜN 68:27

Akhuhde trük aninibe Benjamin, jushu Juda limberübo arü khunungbo bede, ju khin Zebulun tüsho Naphtali limberübo arüchoh.

MUNGSHIKHÜN 68:28

O Thrünpuh, nü wu jiang; O Thrünpuh, nünü püpüki rhimokhi nangde isa ki nü sühmüh huhang.

HOSEA 13:1

Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah.

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.

1 SAMUEL 14:51

Saul abuh ju Kish, tüsho Abner abuh Ner ju Abiel tsührü lakheah.

1 SAMUEL 15:17

Samuelnü tha, “Nü ju nü mük ching aninikhüh thsüa lalashe, nü Israel trükbo kurungkheak aku khülang yung de? Atungpuhnü nü Israel kurungkheak kiulongthsürü thsüshihpü mujude-mokhitkhi yung de?

1 SAMUEL 18:18

Davidnü Saul ki tha, “I kiulongthsüpuh tsühmeak thsüpü thsüde Israel ching I le I keoniorübo tüsho I buhtsührübo ju she a?”

1 SAMUEL 18:23

Jumonü Saul yamlarübonü harü yubo ramde David ki thaa huh. Tüsho Davidnü tha, “I zhochihrü mihtsürü tüsho tümü mükamrü khülangnü kiulongthsüpuh tsühmeakrü thsüpü anikhüh nangde nüsanü kheahcho de?”

1 SAMUEL 9:22

Judüki Samuelnü Saul le ayamlarü azübuh bebah thüyam lung lim yüzah, tüsho arü 30 bande jiyuka lakhi kumung dükhüm kheak binshih.